Onlayn ictimai-siyasi qəzet
Üç ayda 138 milyard dollarlıq çip satılıb: Kim daha çox alıb?
Bu ilin birinci rübündə qlobal çip satışı ötən ilin eyni dövrü ilə müqayisədə 15,2 faiz artaraq 137,7 milyard dollar təşkil edib.
Musavat.com Yarımkeçiricilər Sənayesi Assosiasiyasının (SIA) press-relizinə əsasən xəbər verir ki, 2023-cü ilin dördüncü rübü ilə müqayisədə bu rəqəm 5,7 faiz azalıb.
Mart ayında çip satışı da illik müqayisədə 15,2 faiz artıb, lakin fevral ayı ilə müqayisədə 0,6 faiz azalıb: "Birinci rübdə qlobal yarımkeçirici satışları ötən ilin birinci rübünə nisbətən əhəmiyyətli dərəcədə yüksək olub. Bazarın 2024-cü ildə ikirəqəmli artım proqnozu ilə ilin qalan dövründə böyüməyə davam edəcəyi gözlənilir".
Martda Amerika qitəsində satışlar ötən ilin eyni ayı ilə müqayisədə 26,3 faiz, Çində 27,4 faiz, Asiya-Sakit okean və digər regionlarda 11,1 faiz artıb. Bununla yanaşı, Avropada satışlar 6,8 faiz, Yaponiyada 9,3 faiz azalıb.
SİA-ya Amerika yarımkeçirici sənayesi istehsalçılarının təxminən 99 faizi və digər ölkələrin çip istehsalçılarının təxminən 66 faizi daxildir.
Musavat.com
XƏBƏR LENTİ
20 May 2024
ŞƏRHLƏRŞƏRH YAZ