Gürcüstanın Marneuli bələdiyyəsinin Quşçu kəndində faciəli hadisə baş verib.

Musavat.com-un məlumatına görə, 13 yaşlı azərbaycanlı yeniyetmənin meyiti yaşadığı evin həyətindəki bağda aşkar edilib.

Hadisə yerinə hüquq-mühafizə orqanlarının əməkdaşları cəlb olunub. Yeniyetmənin meyiti ölüm səbəbinin müəyyənləşdirilməsi məqsədilə müvafiq tibbi ekspertiza müayinəsinə göndərilib.

Faktla bağlı Gürcüstan Cinayət Məcəlləsinin 115-ci maddəsi ilə (özünü öldürmə həddinə çatdırma) cinayət işi açılıb, istintaq aparılır.

Hadisənin başvermə səbəbləri araşdırılır.

Şahanə Rəhimli
Musavat.com