Çərşənbə günü Filippinin Mindanao adasının cənub sahili yaxınlığında, Sulavesi dənizi akvatoriyasında 6,6 maqnitudalı zəlzələ qeydə alınıb.

Musavat.com xəbər verir ki, bu barədə Rusiya Elmlər Akademiyasının Vahid Seysmoloji Xidmətinin Altay-Sayan filialı məlumat yayıb.

Məlumata görə, Bakı vaxtı ilə saat 08:14-də baş verən zəlzələnin episentri Mindanao adasındakı Qeneral-Santos şəhərindən 102 km cənub-şərqdə yerləşib.

Episentrdəki təkanların intensivliyi "dağıdıcı" olaraq qiymətləndirilir.

ABŞ Geoloji Xidməti (USGS) isə zəlzələnin maqnitudasını 6,3 olaraq göstərib. Qurumun məlumatına görə, təkanların ocağı 10 km dərinlikdə yerləşib.

Musavat.com