İranla münaqişəyə baxmayaraq, ABŞ-ın Çin də daxil olmaqla, dünyada təhdidlərin öhdəsindən gəlmək üçün kifayət qədər hərbi potensialı var.

Musavat.com xəbər verir ki, bunu Fox News-a müsahibəsində ABŞ-ın vitse-prezidenti C.D.Vens deyib. arsenalların azaldılması və ABŞ ordusuna əlavə yük qoyulmasının ABŞ-ın təhdidlərə qarşı reaksiyasına təsir göstərə biləcəyindən narahat olub-olmadığı soruşulduqda, Vens "Çin də daxil olmaqla, dünyanın hər yerindəki təhdidlərin öhdəsindən gəlmək üçün kifayət qədər böyükük" dedi.

O əlavə edib ki, Çinlə fikir ayrılıqları Vaşinqtonun Pekinlə müsbət münasibətlər qurmasına mane olmayacaq: "Biz onların bizim üçün rəqabət yaratdığını, bizimki ilə ziddiyyət təşkil edən öz ambisiyaları olduğunu qəbul edirik. Buna baxmayaraq, biz rəqiblərimizlə müsbət münasibətlər qurmaq üçün çalışırıq".

Musavat.com