Zərdabda ağır yol qəzası qeydə alınıb.

Musavat.com bildirir ki, hadisə Zərdab–Kürdəmir avtomobil yolunun rayon ərazisindən keçən hissəsində baş verib.

Hərəkətdə olan “Toyota Prius” markalı avtomobil idarəetmədən çıxaraq aşıb.

Qəza nəticəsində 2 nəfər həyatını itirib, 5 nəfər isə müxtəlif dərəcəli xəsarətlər alıb.

Məlumata görə, avtomobili AzTV-də keçirilən “Muğam müsabiqəsi”nin iştirakçısı Məftun Məmmədov idarə edirmiş. Hadisə baş verən zaman sürücünün atası İntiqam Məmmədov və onun 2 yaşlı oğlu Tunar Məmmədov dünyasını dəyişiblər.

Məftun Məmmədovun özü, anası Rəna Məmmədova, həyat yoldaşı Sona Məmmədova və uşaqları Uğur və İntiqam xəsarət alaraq xəstəxanaya yerləşdiriliblər. 

Şahanə Rəhimli
Musavat.com