Rusiyanın “Plesetsk” kosmodromunda qitələrarası ballistik raketin təlim-döyüş buraxılışı uğurla həyata keçirilib.

Musavat.com TASS-a istinadən xəbər verir ki, bu barədə Rusiya Müdafiə Nazirliyi məlumat yayıb.

Buraxılışın məqsədi raket kompleksinin taktiki-texniki və uçuş xüsusiyyətlərini təsdiqləmək olub.

“Plesetsk” dövlət sınaq kosmodromunda mobil bazalı, bərk yanacaqlı qitələrarası ballistik raketin təlim-döyüş buraxılışı həyata keçirilib. Təlim döyüş başlıqları Kamçatka yarımadasında yerləşən “Kura” poliqonunun müəyyən edilmiş ərazisinə çatıb. Qarşıya qoyulan bütün vəzifələr tam həcmdə yerinə yetirilib”, - deyə nazirliyin məlumatında bildirilir.

@@TVmusavat/153976@@

Musavat.com