Rusiyalı müğənni Oleq Qazmanovun keçmiş prodüseri Filipp Rossa sənətçiyə dəymiş zərəri tam ödəyib.

Musavat.com xəbər verir ki, Rossa Qazmanova 14 milyon rubl ödəyib. O, xüsusilə külli miqdarda dələduzluqda ittiham olunur.

İstintaqın versiyasına görə, keçmiş prodüser Qazmanovun musiqi yazılarının satışından əldə edilən gəlirin bir hissəsini mənimsəyib. Məhz bu əməllər nəticəsində müğənniyə milyonlarla rubl zərər dəydiyi bildirilir.

Rossa sonradan dəymiş zərərin ödənilməsinə başlayıb və hazırda 14 milyon rublun tam ödənildiyi açıqlanıb.

Musavat.com