Onlayn ictimai-siyasi qəzet
Hörmüzü SEPAH minalarından təmizləmişik – ABŞ admiralı
ABŞ Mərkəzi Komandanlığının rəhbəri admiral Bred Kuper Yaxın Şərqə 50.000 ABŞ əsgərinin göndərildiyini açıqlayıb.
Musavat.com xəbər verir ki, o, bunu komandanlığa məxsus X hesabında yerləşdirilən videohesabatında qeyd edib: "Yaxın Şərqdəki iki ABŞ missiyasına dair vəziyyətlə bağlı yeniləmə təqdim edirəm. Bölgədəki 50.000 əsgərimizin çoxu İranın dəniz blokadasını və Hörmüz boğazından ticarət gəmiçiliyini qorumaq üçün əla iş görür".
Kuper əlavə edib ki, İranın dəniz blokadası iyulun ortalarında bərpa olunduğundan bəri "minlərlə ABŞ əsgəri, 20-dən çox hərbi gəmi və yüzlərlə təyyarə" tərəfindən davam etdirilir.
Komandan həmçinin qeyd edib ki, ABŞ ordusu Hörmüz boğazındakı bütün minaları təmizləyib: "Biz bir neçə ay əvvəl SEPAH tərəfindən Körfəzdəki beynəlxalq ticarət yolları boyunca qoyulmuş dəniz minaları uğurla təmizlədik".
Qeyd edək ki, Bloomberg bu həftənin əvvəlində məlumat verib ki, ABŞ müttəfiqləri, Vaşinqtonun iddialarına baxmayaraq, Hörmüz boğazında hələ də minaların qaldığını düşünürlər.
Musavat.com
ƏLAQƏLİ XƏBƏRLƏR
XƏBƏR LENTİ
28 Avqust 2026
ŞƏRHLƏRŞƏRH YAZ