Onlayn ictimai-siyasi qəzet
Tehrandan son xəbərdarlıq: "Ləyaqətimiz hədəf alınsa, amansız savaşa başlayacağıq"
İranın Məhkəmə Hakimiyyətinin rəhbəri Qolam-Hüseyn Möhsini-Ejei ölkəsinin hərbi təhdidlərə qarşı mövqeyini açıqlayaraq beynəlxalq aləmə sərt ismarışlar göndərib.
Musavat.com xəbər verir ki, rəsmi Tehranın müharibə tərəfdarı olmadığını, lakin hər hansı bir təhdid qarşısında geri çəkilməyəcəyini vurğulayan Ejei, döyüşə tam hazır olduqlarını bəyan edib.
O, danışıqların yalnız "məcburiyyət olmadan" baş tutacağı təqdirdə qəbul edilə biləcəyini qeyd edərək bildirib: "Biz müharibəni alqışlamırıq, lakin ondan qorxmuruq da; əgər ləyaqətimiz təhlükə altına düşərsə, sonunadək vuruşacağıq".
Baş hakim həmçinin vurğulayıb ki, İrana qarşı edilən hücumlara hüquqi cavab tədbirləri davam etdiriləcək və rəqib tərəflər təzyiq və ya danışıqlar yolu ilə öz şərtlərini diktə edə bilməyəcəklər. Ejeinin bu çıxışı regionda gərginliyin pik həddə çatdığı və ABŞ-ın İrana qarşı hərbi sanksiya müddətinin başa çatdığı həlledici bir vaxta təsadüf edir.
İranın məhkəmə sisteminin rəhbəri tərəfindən verilən bu bəyanat ölkə daxilindəki bütün güc strukturlarının vahid və sərt mövqedən çıxış etdiyini göstərmək məqsədi daşıyır. Hazırda Tehranın bu "müdafiə savaşına hazırlıq" ritorikası Vaşinqton və Tel-Əvivdə diqqətlə izlənilir. Ekspertlər qeyd edirlər ki, bu cür bəyanatlar diplomatik həll yollarının getdikcə daraldığına işarə edir.
Musavat.com
XƏBƏR LENTİ
09 Iyun 2026
ŞƏRHLƏRŞƏRH YAZ