Azərbaycan Respublikası Mədəniyyət Nazirliyinin dəstəyi, TikTok video platformasının təşəbbüsü ilə keçirilən #TikTokdanÖyrən kampaniyasının qalibləri müəyyən olunub.

Musavat.com bildirir ki, bununla bağlı mayın 22-də tədbir keçirilib.

Tədbirdə qeyd olunub ki, layihənin cəmi iki ayında istifadəçilər 20 mindən çox maarifləndirici video yaradıblar.
Layihədə ölkənin hər yerindən, o cümlədən 22 mədəniyyət qurumundan, 14 teatr və 6 muzeydən, Azərbaycan Milli Kitabxanasından və “İçərişəhər” tarix-memarlıq qoruğundan istifadəçilər iştirak edib və maarifləndirici məzmun paylaşıblar.

Bu ilin əvvəlində TikTok Azərbaycanda təhsil məzmununun inkişafını dəstəkləmək və ölkənin müxtəlif yerlərindən olan istifadəçilərə rahat qısa video formatında bilikləri paylaşmaq və üfüqlərini genişləndirmək imkanı vermək üçün Azərbaycanda #TikTokdanÖyrən təşəbbüsünü başladıb.

Müsabiqədə #TikTokdanÖyrən həştəqindən istifadə edərək ən azı 30 saniyəlik maarifləndirici videolar yaradan bütün TikTok istifadəçiləri avtomatik olaraq iştirak ediblər. Layihənin nəticələrinə əsasən, ən yaxşı videoçarxların müəllifləri üç kateqoriya üzrə müəyyən edilib. Belə ki, musiqi müəllimi @vusalsuleymanov_ tələbəsinə Lüdviq Bethovenin “Elizaya” əsərinin yaranma tarixindən kreativ və ətraflı danışdığı video ilə “Ən kreativ video” nominasiyasında qalib olub.

“Ən yaxşı video” nominasiyasında qalib, yaradıcı @origami8574 tərəfindən mükəmməl origami qırıcı təyyarəsinin necə hazırlanacağına dair təlimat xarakterli video oldu. Bu video müsabiqə dövründə bütün videolar arasında ən çox baxış toplayıb.

Və "TikTok-da kəşf" kateqoriyasının qalib müəllifi @abbasov__eziz olub. Onun avtomobil təmiri ilə bağlı videoları müsabiqənin bütün müddəti ərzində ümumilikdə ən yüksək baxış sayı toplayıb.

Hər kateqoriya üzrə qaliblər TikTok-dan iPhone smartfonları hədiyyə qazanıb.

Tədbirdə iştirak edən Azərbaycan Respublikası Mədəniyyət Nazirliyinin Yaradıcı sənayelər və rəqəmsal inkişaf şöbəsinin müdiri Rəşad Əzizov qeyd edib:

"#TikTokdanÖyrən layihəsinin nəticələri həqiqətən ümidvericidir. Ümid edirik ki, bu addımı yeniləri də izləyəcək və bu platformada mədəni məzmunun həcminin artması ilə birlikdə ölkəmizdə TikTok istifadəçiləri arasında mədəniyyətə dəyər verənlər artacaq."

Şərqi Avropa və Mərkəzi Asiyada Hökumətlə Əlaqələr və Korporativ Əlaqələr üzrə direktor Sergey Sokolov isə bildirib:

"#TikTokdanÖyrən Azərbaycanda ilk genişmiqyaslı kampaniyamız olub, ölkədə təhsil məzmununun fəal şəkildə yaradılmasını və yayılmasını stimullaşdırmaq üçün nəzərdə tutulub. Azərbaycanın hər yerindən mədəniyyət müəssisələri, idmançılar, müəllimlər, kulinariya mütəxəssisləri və müxtəlif sahələrdən olan digər bilik sahibləri öz fikirlərini bölüşüblər. İki ay ərzində müxtəlif mövzularda məlumat və “lifehack”lərin Azərbaycanda istifadəçilərin böyük marağına səbəb olduğunu görürük - onlar həştəqlə 20 000-dən çox video yaradıblar - və TikTok-da təhsil məzmununun inkişafı üçün yüksək potensial var və biz cəmiyyətimiz yeni təşəbbüslərlə çıxış etməyə davam edəcəyik."

Tədbirdə həmçinin qeyd olunub ki, layihənin əsas tərəfdaşı Azərbaycan Respublikasının Mədəniyyət Nazirliyidir. Bu tərəfdaşlığın bir hissəsi olaraq, hər biri TikTok-da hesablar yaradan iyirmi bir mədəniyyət müəssisəsi layihəyə qoşulub. Məsələn, Xalça Muzeyi @nationalcarpetmuseum öz hesabında xalçaçılığın tarixindən, xalçaların əcdadlarımız tərəfindən necə yaradılmasından, eləcə də keçmişdə əvəzolunmaz olan məişət elementlərindən bəhs edir. Azərbaycan Tarixi Muzeyinin @nmuseumhistoryazerbaijan hesabında siz onun arxeoloji kolleksiyasının eksponatlarına baxa və Zeynalabdin Tağıyev Sarayı haqqında məlumat əldə edə bilərsiniz.

Milli İncəsənət Muzeyi isə @natalartmuseum.az öz hesabına öz sərgilərinə virtual turlar təşkil edir.

Azərbaycan teatrlarından olan videoçarxlar da məşhur idi: ümumilikdə onlara 650 min dəfədən çox baxılıb.

Dövlət Akademik Rus Dram Teatrı @rusdrama.az öz hesabında tamaşaların necə yaradıldığını, Dövlət Akademik Musiqili Teatrının aktyorları @akademik.musiqili iş günlərinin necə keçdiyini istifadəçilər paylaşıb,

Akademik Opera və Balet Teatrının hesabında opera əsərlərindən parçalara baxıb dinləmək imkanı yaradılıb.

Layihə Azərbaycan Milli Kitabxanası @milli.kitabxana tərəfindən də dəstəklənib, onun kitab kolleksiyaları, eləcə də “İçərişəhər” Dövlət Tarix-Memarlıq Qoruğu nümayiş etdirilib: onun rəsmi hesabında istifadəçilər məscidlər, keramika sənətinin tarixi və Bakının İçərişəhərinin bir çox başqa komponentləri ilə tanış ola bilərlər.

Layihə həştəqindən istifadə edərək istifadəçilər müxtəlif mövzularda faydalı və maarifləndirici videolar paylaşıblar: evin necə təmir ediləcəyinə dair məişət “lifehack”lərindən tutmuş, əl işi məhsulları və üslub tövsiyələri haqqında maarifləndirici videolar, kino və ədəbiyyat haqqında rəylər, humanitar elmlər, biologiya üzrə maraqlı faktlar - və bir çox başqa mövzular.

Ən çox müzakirə olunan mövzulardan biri yemək bişirmək idi: layihədə məşhur aşpaz Fatimə Osmanova @dadlidir.az iştirak edib və istifadəçilər evdə hazırlanmış şirniyyatlar, plov, ənənəvi Azərbaycan yeməkləri və xarici mətbəxin reseptlərini paylaşıblar.
Yaradıcılar dil öyrənməklə bağlı videolar da hazırlayıblar: məsələn, Aida Hacıyeva @ana_dilimde_danis_ Azərbaycan dili haqqında maraqlı faktlar danışıb, ingilis dili müəllimi Safura Quliyeva @safoureng isə TikTok istifadəçilərinə vacib frazeoloji birləşmələri öyrədib.

İdman məzmunu ayrı bir kateqoriya təşkil edib. Layihə Azərbaycan Cüdo Federasiyası tərəfindən dəstəklənib və @judoaz hesabında müxtəlif texnikalar nümayiş etdirilib, həmçinin cüdo yarışlarından danışılıb. Futbolçu Nugzar Kvirtiya @nugzarkvirtiya bilmək vacib olan futbol fəndlərini paylaşdı və milli rəqs məktəbinin müəllimləri TikTok istifadəçilərinə ləzgi rəqsi etməyi öyrədib.

Sonda bildirilib ki, TikTok aparıcı qısa video tətbiqidir və missiyası insanları yaradıcı olmağa ruhlandırmaq və onlara sevinc bəxş etməkdir.

Xalidə Gəray
Musavat.com