Onlayn ictimai-siyasi qəzet
FİFA ilə UEFA arasında tarixi qarşıdurma – Dünya çempionatı uğrunda 20 milyard dollarlıq savaş
Futbol dünyasında son illərin ən böyük qarşıdurmalarından biri yaşanır. UEFA, FİFA-nın dünya çempionatının kommersiya hüquqları ilə bağlı planlarına açıq şəkildə etiraz edib.
Musavat.com xəbər verir ki, xarici KİV-in məlumatına görə, FİFA təxminən 20 milyard dollar dəyərində yeni kommersiya strukturu yaratmağı planlaşdırır. Bu qurum futbol üzrə dünya çempionatının və digər turnirlərin kommersiya hüquqlarını idarə edəcək.
Sərmayə cəlb etmək məqsədilə FİFA həmin strukturun 20 faizə qədər payını özəl investorlara satmağı nəzərdən keçirir.
Lakin UEFA bununla bağlı misli görünməmiş dərəcədə sərt bəyanat yayıb.
"FİFA artıq idmanımızdan özünü və ətrafındakıları zənginləşdirmək üçün istifadə edə bilməz."
UEFA hesab edir ki, dünya futbolu dar bir qrupun mənfəəti naminə investisiya obyektinə çevrilməməlidir. Avropa futbol qurumunun fikrincə, bu cür qərarlar futbolun mahiyyətini dəyişə, kommersiya maraqlarını azarkeşlərin, futbolçuların və milli federasiyaların maraqlarından üstün tuta bilər.
Tənqidlər təkcə Avropadan gəlmir. Bir sıra milli futbol assosiasiyaları və digər qitə konfederasiyaları da təşəbbüsdən narahat olduqlarını bildirərək, belə mühüm qərarın qəbulundan əvvəl kifayət qədər şəffaflığın və məsləhətləşmələrin olmadığını vurğulayıblar.
Musavat.com
XƏBƏR LENTİ
19 Avqust 2026
ŞƏRHLƏRŞƏRH YAZ