Onlayn ictimai-siyasi qəzet
İran ABŞ-yə CAVAB HAZIRLAYIR: SEPAH-dan SƏRT MESAJ
İran İslam İnqilabı Keşikçiləri Korpusu (SEPAH) ABŞ-ın Larak adasına endirdiyi zərbəyə cavab veriləcəyini açıqlayıb.
Musavat.com xəbər verir ki, bu barədə SEPAH-ın sözçüsü, briqada generalı Mohebbi “X” sosial şəbəkəsində yazıb.
O bildirilib ki, hücum nəticəsində korpusun bir neçə hərbçisi, eləcə də mülki şəxslər həlak olub və yaralanıb:
“Terrorçu düşmənin Larak adasına təcavüzünə cavab veriləcək və təcavüzkar cəzalandırılacaq”.
Qeyd edək ki, avqustun 30-da ABŞ qüvvələrinin Hörmüz boğazında yerləşən Larak adasındakı İran raket buraxılış qurğularına zərbə endirdiyi barədə məlumat yayılıb. ABŞ rəsmisinin sözlərinə görə, zərbənin hədəfi SEPAH-ın dəniz minaları ilə təchiz edilmiş raketləri yerləşdirməyə hazırlaşdığı qurğular olub.
Larak adası yaxınlığında partlayış səslərinin eşidildiyi də bildirilib.
Musavat.com
XƏBƏR LENTİ
31 Avqust 2026
ŞƏRHLƏRŞƏRH YAZ