Onlayn ictimai-siyasi qəzet
Norveç ukraynalı kişiləri qaçqın kimi qəbul etməyəcək
Norveç ukraynalı qaçqınları qəbul etmək qaydalarını sərtləşdirəcək və 18-60 yaş arası kişilər üçün müvəqqəti qoruma proqramına son qoyacaq.
Musavat.com xarici mediaya istinadla xəbər verir ki, bu barədə Norveçin ədliyyə naziri Astri Aas-Hansen bildirib.
Nazir deyib ki, bu qərar sərhədlər yenidən açıldıqdan sonra ölkəyə gələn gənc ukraynalıların sayının artması ilə bağlıdır. Onun sözlərinə görə, onların çoxu 18-22 yaş arasındadır. Vəziyyəti həll etmək üçün hökumət 18-60 yaş arası kişilərin qəbulunu məhdudlaşdırmağı, onlara mövcud müvəqqəti kollektiv qoruma proqramı çərçivəsində deyil, yalnız ümumi əsasda qoruma təmin etməyi planlaşdırır.
Əmək və inteqrasiya naziri Kyersti Stensenq qeyd edib ki, son illərdə Norveç bələdiyyələri Ukraynadan təxminən 100.000 qaçqını qəbul edib. Lakin onların bir çoxu hazırda mənzil çatışmazlığı və yerli xidmətlərin həddindən artıq yüklənməsi ilə üzləşir.
Dəyişikliklər artıq qoruma almış və ya hərbi yaşdan yuxarı kişilərə təsir etməyəcək.
Musavat.com
XƏBƏR LENTİ
06 Iyun 2026
05 Iyun 2026
ŞƏRHLƏRŞƏRH YAZ