Onlayn ictimai-siyasi qəzet
103 nəfərin qatili Suriya bataqlığında ələ keçdi: Ömər Dəniz Dündar qandallandı
Türkiyənin xüsusi xidmət orqanları dövlət sərhədlərindən kənarda milli təhlükəsizliyə təhdid yaradan qanlı terror şəbəkələrinə qarşı növbəti unikal və sarsıdıcı zərbəsini endirib. Uzun illərdir gizlənməyi bacaran və beynəlxalq səviyyədə axtarışda olan radikal qruplaşma üzvləri xüsusi peşəkarlıqla zərərsizləşdirilib.
Musavat.com xəbər verir ki, Türkiyə Milli Kəşfiyyat Təşkilatı (MİT) və Suriya kəşfiyyat xidmətləri tərəfindən koordinasiya edilən irimiqyaslı birgə əməliyyat zamanı İŞİD terror təşkilatının İnterpol xətti ilə "qırmızı bülleten"lə axtarışda olan 10 qorxulu yaraqlısı Suriya ərazisində yaxalanıb. Əslən Türkiyədən olan və çoxsaylı qanlı aksiyalarda əli olan terrorçular xüsusi konvoyla təcili şəkildə Türkiyəyə gətirilərək məhkəmə orqanlarına təhvil verilib və barələrində həbs qətimkan tədbiri seçilib.
Kəşfiyyat qaynaqlarının verdiyi sensasion məlumata görə, ələ keçirilən canilərdən biri – Ömər Dəniz Dündar xüsusi təhlükəli statusa malikdir. Belə ki, həmin şəxs 2015-ci ildə Ankara dəmir yolu vağzalı yaxınlığında törədilən, Türkiyə müasir tarixinin ən dəhşətli terror aktlarından biri sayılan və rəsmi rəqəmlərə görə 103 nəfər dinc sakinin faciəvi şəkildə ölümünə səbəb olan intiharçı partlayışının əsas təşkilatçıları və icraçıları ilə birbaşa qanlı bağlara sahibdir. Hərbi analitiklər MİT-in bu uğurlu xarici həmləsini Türkiyənin terrorla mübarizədə güzəştsiz mövqeyinin və "terrorun mənbəyində yox edilməsi" doktrinasının növbəti böyük qələbəsi kimi qiymətləndirirlər.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ