Onlayn ictimai-siyasi qəzet
Epşteyn işi Fransada da istefaya səbəb oldu
Parisdə yerləşən Ərəb Dünyası İnstitutunun rəhbəri və Fransanın keçmiş mədəniyyət naziri Jak Lanq amerikalı maliyyəçi Ceffri Epşteyn ilə əməkdaşlıqda çirkli pulların yuyulması iddiası ilə bağlı aparılan istintaqdan sonra istefa verib.
Musavat.com xəbər verir ki, o, Fransanın xarici işlər naziri Jan-Noel Barrota məktub göndərərək "mövcud vəziyyət zərərlidir. Bu, yalnız bu möhtəşəm quruma zərər verə bilər" deyib.
Lanq "institutu müdafiə etmək" və "bütün ittihamları sakitcə təkzib etmək" üçün "direktorlar şurasının növbəti fövqəladə iclasında" istefa verəcəyinə söz verib.
Fransa Xarici İşlər Nazirliyi və Yelisey Sarayı Lanqın istefasını "qeyd etdiklərini" bildiriblər. Barrot da öz növbəsində Lanqın yerinə yeni direktor təyin edilməsi prosesinə başlayacağını açıqlayıb və yeddi gün ərzində institutun direktorlar şurasının fövqəladə iclasını çağıracağına söz verib. Nazirin sözlərinə görə, 8 fevralda Fransa Xarici İşlər Nazirliyində Lanqla keçirilməsi planlaşdırılan dinləmə ləğv edilib.
Daha əvvəl Fransa Milli Maliyyə Prokurorluğu Epşteynlə əməkdaşlıqda çirkli pulların yuyulması şübhəsi ilə Lanq və qızı Karolin barəsində istintaq başlatmışdı. Bu, ABŞ Ədliyyə Nazirliyinin Epşteyn işi üzrə açıqladığı sənədlərdən çıxarışların Mediapart tərəfindən dərc olunmasından sonra baş vermişdi. Sənədlərə əsasən, hər iki şübhəli, amerikalı maliyyəçi ilə birlikdə Vircin adalarında qeydiyyatdan keçmiş Prytanee MMC şirkətinə sahib idi və Lanq xüsusilə Mərakeşdə 5,4 milyon avro dəyərində daşınmaz əmlak əməliyyatında iştirak edirdi.
Musavat.com
XƏBƏR LENTİ
06 Iyun 2026
ŞƏRHLƏRŞƏRH YAZ