Onlayn ictimai-siyasi qəzet
İki ölkə ilə sərhəddə xəndəklər qazılır - TƏHLÜKƏ VAR
Polşa və Litva hökumətləri təhlükəsizlik tədbirlərini artırmaq məqsədilə sərhəd bölgələrində yeni müdafiə infrastrukturu yaratmağa başlayıblar. Layihə çərçivəsində strateji ərazilərdə xəndəklər, maneələr və digər müdafiə qurğularının inşası nəzərdə tutulur.
Musavat.com xəbər verir ki, məlumata görə, bu addım xüsusilə Rusiyanın Kalininqrad vilayəti və Belarusla həmsərhəd bölgələrdə potensial təhlükələrə qarşı hazırlıq planının bir hissəsidir. Hər iki ölkə NATO-nun şərq cinahında yerləşdiyi üçün son illərdə müdafiə imkanlarının gücləndirilməsinə xüsusi diqqət yetirir.
Layihə çərçivəsində qazılan xəndəklərin məqsədi mümkün hərbi texnikanın hərəkətini çətinləşdirmək və sərhəd müdafiəsini gücləndirməkdir. Bundan əlavə, ərazilərdə müşahidə sistemləri, istehkamlar və digər təhlükəsizlik obyektlərinin də qurulacağı bildirilir.
Rəsmilər bildirirlər ki, görülən işlər hücum hazırlığı deyil, müdafiə xarakteri daşıyır və regionda təhlükəsizlik risklərinin artmasına qarşı qabaqlayıcı tədbir kimi qiymətləndirilir.
Ekspertlərin fikrincə, son illərdə Avropada təhlükəsizlik məsələlərinin ön plana çıxması bir çox ölkələri sərhəd müdafiəsinə daha çox investisiya yatırmağa sövq edib. Polşa və Litvanın həyata keçirdiyi bu layihə də həmin strategiyanın tərkib hissəsi hesab olunur.
Musavat.com
XƏBƏR LENTİ
10 Iyun 2026
ŞƏRHLƏRŞƏRH YAZ