Onlayn ictimai-siyasi qəzet
İranın “Əqrəb”ləri Ermənistana gətirildi
Ermənistan Müdafiə Nazirliyi ordunun İran və Hindistandan alınan hava hücumundan müdafiə sistemləri ilə keçirdiyi təlimlərin görüntülərini yayıb.
Musavat.com xəbər verir ki, təlimlər zamanı İran istehsalı olan qısa mənzilli “Əqrəb” (“Majid”) HHM sistemi və Hindistanın orta mənzilli “Akash” sistemi nümayiş etdirilib.
Görüntülərin yayılması Ermənistanın İranla hərbi əməkdaşlığını genişləndirdiyi bir vaxta təsadüf edir.
Hərbi ekspertlərin fikrincə, bu əməkdaşlıq İrəvanın təhlükəsizlik siyasətindəki ziddiyyətləri açıq şəkildə ortaya qoyur. Bir tərəfdən Ermənistan Qərblə hərbi və siyasi əlaqələrini dərinləşdirir, digər tərəfdən isə ABŞ və Qərbin sanksiyaları altında olan İranla müdafiə sahəsində əməkdaşlığını artırır. İran istehsalı HHM sistemlərinin Ermənistan ərazisində nümayişi isə münasibətlərin artıq siyasi bəyanatlardan çıxaraq hərbi-texniki müstəviyə keçdiyini göstərir.
@@TVmusavat/152936@@
Musavat.com
XƏBƏR LENTİ
17 Avqust 2026
ŞƏRHLƏRŞƏRH YAZ