Onlayn ictimai-siyasi qəzet
İranın "raket kölgəsi" Trampı dayandırdı: Vaşinqton geri çəkildi
ABŞ-İran xəttində gərginliyin pik həddə çatdığı bir vaxtda Vaşinqtonun ritorikasında qəfil və diqqətçəkən yumşalma müşahidə olunub.
Musavat.com-un məlumatına görə, "The Telegraph" yazır ki, ABŞ prezidenti Donald Trampın raket zərbələri ilə bağlı açıq hədələri reallaşmayıb və Ağ Ev gözləmə mövqeyinə keçib.
Tramp bir neçə gün öncə İranı vurmaqla hədələmişdi. Lakin raketlər havaya qalxmadı. Onu bu addımdan çəkindirən əsas amillərin böyük hissəsi elə İran daxilində formalaşdı. Son günlər ölkə boyunca hökumətyönlü mitinqlər yenidən intensivləşdi, təhlükəsizlik strukturları vəziyyətə nəzarəti bərpa etdi. Bu fon rejimin son illərdə ən güclü mövqelərindən birində olduğunu göstərir.
Eyni zamanda CIA və Pentaqon Trampa təqdim etdikləri kəşfiyyat məruzələrində bildiriblər ki, İran zəiflədiyi halda belə ABŞ və onun regional müttəfiqlərinə ciddi zərbə vurmaq imkanlarını saxlayır. Hesabatlarda vurğulanır ki, ABŞ-ın bölgədəki bütün hərbi qüvvələrini eyni anda qorumaq üçün yetərli resursları yoxdur.
Məhz bu risklər fonunda Vaşinqton birbaşa hərbi toqquşmadan yayınaraq mümkün hücum planlarını təxirə salmağa qərar verib. İranın hərbi potensialı və daxili sabitlik görüntüsü Tramp administrasiyasını daha ehtiyatlı davranmağa məcbur edib.
Musavat.com
XƏBƏR LENTİ
12 Iyul 2026
ŞƏRHLƏRŞƏRH YAZ