Onlayn ictimai-siyasi qəzet
Moskvanın HƏDƏLƏRİ bitmir – “MDB ölkələri bizə...”
Politoloq Sergey Mixeyevin Kreml təbliğatçısı Vladimir Solovyovun efirində Rusiyanın postsovet dövlətlərinin “mövcudluğunun yeganə qarantı” olduğunu bildirən son açıqlamaları imperiya fantaziyasının daha bir şah əsəridir (Ayna.az). Bu görkəmli “mütəfəkkirin” fikrincə, Moskva yalnız strateji siyasi sədaqət müqabilində iqtisadi üstünlüklər verməlidir.
Mixeyev keçmiş Sovet İttifaqında Rusiyanın "uzunmüddətli dəstək" iddiasına baxmayaraq, tez-tez "işğalçı" və "müstəmləkəçi" kimi təsvir edilməsindən dərin narahatlıq keçirir və qəzəblənir. O, hətta Kremlin özünü də qınayaraq, Rusiyanın qonşuları ilə münasibətlərə yanaşmasını bu cür ritorikaya çox uzun müddət dözdüyünə görə tənqid edib. Onların qızğın təxəyyülü hələ də 14 keçmiş SSRİ respublikasının hamısının Ukraynanı işğal etməkdə Rusiya ilə birləşərək beynəlxalq təcrid yükünü bölüşməyə borclu olduqları illüziyasını saxlayır.
Solovyovun əlaltıları "sədaqətsizliyə" görə güzəştli münasibətin kəsilməsini tələb etməklə öz paylarını alarkən, Bakı inamla çoxvektorlu siyasət qurur, Türkiyə ilə yanaşı, öz ordusunu NATO standartlarına uyğunlaşdırır və Avrasiyanın əsas tranzit arteriyalarına nəzarəti ələ alır. Cənubi Qafqazda heç kim "Rusiya təhlükəsizlik zəmanətləri" adlanan bu müddəti bitmiş əmtəəni almayacaq. Çünki Moskvanın imperiya ambisiyalarına qarşı ən yaxşı dərman onun öz iqtisadi boşluqlarına və hərbi acizliyinə çevrilib.
Bəs Rusiya bu qədər yaşadığı itkilər fonunda çürük imperiya zehniyyətindən niyə qurtula bilmir? Hətta onun keçmiş vassalı Ermənistan da nökərçilikdən xilas olmağa çalışır, onda Rusiya niyə postsovet ölkələrindən əl çəkmir?
Vətəndaş Həmrəyliyi Partiyasının sədr müavini Samir Əsədli Putinin müharibəsi rusları daha da şovinist edib. Onun fikrincə, ruslar inanırlar ki, Qərblə geopolitik qarşıdurma şəraitindədirlər və qlobal güc olmaq uğrunda mübarizə aparırlar. "Ona görə də rusiyalı deputatların, politoloqların imperiya təfəkkürünə söykənən fikirləri ilə tez-tez tanış oluruq. Onlar eyforiya içindədirlər və ətrafa hikkə göstərirlər. Rusiya siyasətçiləri qəbul etmək istəmirlər ki, postsovet məkanında daha ağalıq edə bilmirlər. Bu hegemoniyaya işğalçı hərbi əməliyyatları ilə özləri son qoydu. Əgər Moskvanın ortasında generalı havaya sovururlarsa, Rusiya MDB məkanında necə dominantlıq edə bilər? ", - deyə S. Əsədli qeyd edib.
VHP rəsmisi qeyd edib ki, Rusiya keçmiş sovet ölkələrinin qarantı ola bilməz: "Cənubi Qafqaza baxın, Rusiya buradakı proseslərə təsir göstərməyə çalışsa da, ümumilikdə nəticələri dəyişə bilmir. Mərkəzi Asiyadan Qazaxıstan və Özbəkistan uzaqlaşma xətti tutmaqdadır. ABŞ, Çin, Avropa Birliyi bu regionlarda təsir güclərini artırır. Rusiya daha bu coğrafiyada təkbaşına üstünlüyə malik deyil. Ona görə də rusiyalı ekspertlər müharibənin gətirdiyi uğursuzluqdan qəzəblidirlər və MDB məkanını nəzarətdə saxlamaq üçün belə bəyanatlar səsləndirilir"
Emil Salamoğlu
Musavat.com
XƏBƏR LENTİ
10 Iyun 2026
ŞƏRHLƏRŞƏRH YAZ