Onlayn ictimai-siyasi qəzet
Ölkənin ortasına nəhəng qızıl kürə qoydular: İçərisində...
Hindistanın Tamil Nadu ştatında yerləşən Auroville şəhərciyinin mərkəzində ucaldılan nəhəng qızıl kürə dünyanın ən qeyri-adi tikililərindən biri hesab olunur. Matrimandir adlanan bina həm memarlıq görünüşü, həm də daxilindəki qeyri-adi quruluşu ilə diqqət çəkir.
Musavat.com xəbər verir ki, kənardan qızıl kürəni xatırladan tikili minlərlə qızılı disk ilə örtülüb. Lakin onu fərqləndirən əsas xüsusiyyət içəridə ənənəvi işıqlandırma sisteminin olmamasıdır. Binanın daxilində nə çilçıraq, nə də adi elektrik lampaları var.
Tikilinin mərkəzində yerləşən meditasiya zalı xüsusi şəkildə layihələndirilib. Günəş şüaları damdakı optik sistem vasitəsilə içəri yönləndirilir və zalın ortasında yerləşən böyük kristal kürənin üzərinə düşür. Beləliklə, məkan gün ərzində təbii işıqla işıqlanır.
Mütəxəssislər bildirirlər ki, layihənin əsas məqsədi texnologiyanı deyil, sakitlik və daxili harmoniyanı ön plana çıxarmaq olub.
Matrimandir tez-tez məbəd hesab edilsə də, onun dini ibadət yeri olmadığı vurğulanır. Tikili müxtəlif dinlərdən və ölkələrdən olan insanların meditasiya və düşüncə üçün istifadə etdiyi universal məkan kimi yaradılıb.
1968-ci ildə yaradılan Auroville “bəşəriyyət şəhəri” kimi tanınır. Burada dünyanın onlarla ölkəsindən insanlar yaşayır. Şəhərin mərkəzində yerləşən Matrimandir isə Auroville-in əsas simvolu hesab olunur.
Nəhəng qızıl kürə həm Hindistanın ən maraqlı memarlıq nümunələrindən biri, həm də hər il minlərlə turist və ziyarətçinin diqqətini cəlb edən məşhur məkanlardan biridir.
Musavat.com
ƏLAQƏLİ XƏBƏRLƏR
XƏBƏR LENTİ
04 Iyun 2026
ŞƏRHLƏRŞƏRH YAZ