Onlayn ictimai-siyasi qəzet
Rumıniyada koalisiya dağıldı, hökumət istefa verdi
Rumıniya parlamenti etimadsızlıq səsverməsində rekorda sayda əleyhdarın səsini nəzərə alaraq İlie Boloyanın hökumətini istefaya göndərib.
Musavat.com xarici mediaya istinadla xəbər verir ki, qərarı 280-dən çox parlament üzvü dəstəkləyib və bu, Rumıniyada etimadsızlıq səsverməsi üçün ən yüksək səsdir.
Hakim koalisiyadakı parçalanmadan sonra siyasi böhran daha da şiddətlənib. Sosial-demokratlar əvvəlcə kabinetə dəstəyi geri götürdüklərini elan ediblər, sonra nümayəndələri hökuməti tərk edib və bu da baş nazirin komandasının işini faktiki olaraq iflic vəziyyətə salıb.
Müxalifət qüvvələri istefanın səbəbi kimi pisləşən sosial-iqtisadi vəziyyəti göstəriblər. Şikayətlər arasında qiymətlərin yüksəlməsi, ƏDV-nin artması və həyat səviyyəsinin aşağı düşməsi var.
Parlament partiyaları indi yeni hökumətin qurulması ilə bağlı məsləhətləşmələr və danışıqlarla üzləşəcəklər.
Rumıniya prezidenti Nikusor Dan Ermənistandan təcili ölkəsinə qayıdıb.
Musavat.com
XƏBƏR LENTİ
07 Iyun 2026
ŞƏRHLƏRŞƏRH YAZ