Onlayn ictimai-siyasi qəzet
Rusiya qaynama nöqtəsində
2025-ci ildə Rusiyanın ən azı 21 regionunda etiraz aksiyaları keçirilib. Mitinqlərin miqyası hələlik böyük olmasa da, narazılıq mövzularının sayı artır.
Musavat.com xəbər verir ki, Novosibirskdə ƏDV-nin və avtomobillərə tətbiq olunan utilizasiya rüsumunun artırılmasına qarşı mitinq keçirilib.
Aksiyadan bir gün əvvəl polis təşkilatçılardan birini saxlayıb - başqa bir tədbirin (7 noyabrda gül qoyma aksiyasının) təşkili ilə bağlı.
Hesablamalara görə, müharibə şəraitində “cəngəlləşən qaydalar”a baxmayaraq, 2025-ci ildə rusiyalılar dəfələrlə küçəyə çıxıblar. Aksiyalar iki onluq regionda keçirilib. Əsas etiraz mövzuları bunlardır:
Utilizasiya rüsumunun artırılmasına qarşı
Bu, yəqin ki, ən kütləvi aksiyalar olub. Hakimiyyət onları razılaşdırıb. Ən böyük mitinq oktyabrın əvvəlində Vladivostokda keçirilib, iştirakçılar “öz xalqını soymağı dayandırın!” deyə qışqırıblar. Aksiyalar həmçinin Kamçatkada və Novosibirskdə baş tutub. Hakimiyyət yeni qaydaların tətbiqini bir ay təxirə salıb (amma ləğv etməyib).
Rabitə məhdudiyyətlərinə qarşı
Bu razılaşdırılmış aksiyalar sentyabrda Voronej, Omsk, Novosibirsk və Petropavlovsk-Kamçatskda keçirilib. Mitinq iştirakçıları xarici messencerlərdə səsli zənglərin bloklanmasının dayandırılmasını tələb edib və MAX tətbiqindən zorla istifadəyə qarşı çıxıblar. Novosibirskdə siyasətçi Boris Nadejdinin çıxışı olub - o, Moskvada və Sankt-Peterburqda da aksiyalar keçirmək istəyib, lakin hakimiyyət buna icazə verməyib.
Parkların və skverlərin qorunması
Saratov sakinləri rayonun yeganə parkının tikintiyə verilməsinə qarşı mitinq keçiriblər. Danışıqlara gələn polis əməkdaşı isə mitinqçiləri güllələməklə hədələyib. Moskvada isə yazda Krylatskiye təpələri landşaft parkının tikintidən qorunması üçün “xalq yığıncağı” təşkil olunub.
Ukrayna ilə müharibəyə qarşı
Yeganə kütləvi aksiya Permdə - kollektiv piket formasında keçirilib. Şüar belə olub: “sülhün bərpası üçün”. Aksiya razılaşdırılıb, lakin piket zamanı kommunal xidmətlər meydandakı işıqları söndürüb. Moskvada işğalın ildönümündə insanlar Lesya Ukrayinkanın abidəsinə gül qoyublar. Digər şəhərlərdə isə tək nəfərlik piketlər keçirilib.
Bələdiyyə islahatına qarşı
Altay sakinləri sovetlərin və yerli deputat şuralarının ləğvinə qarşı mitinq keçiriblər.
Musavat.com
XƏBƏR LENTİ
29 Avqust 2026
28 Avqust 2026
ŞƏRHLƏRŞƏRH YAZ