Onlayn ictimai-siyasi qəzet
Tramp onları Moskvaya GÖNDƏRİR - Kremldən AÇIQLAMA
Rusiya prezidentinin köməkçisi Yuri Uşakov diplomatik təmaslarla bağlı mühüm bəyanatlar verib.
Musavat.com xəbər verir ki, Uşakov ABŞ prezidenti Donald Trampın xüsusi elçi Stiv Uitkoff və sahibkar Cared Kuşnerin yaxın vaxtlarda Rusiyaya səfər edəcəyini bildirib.
Prezidentin köməkçisi Moskvada keçiriləcək Qələbə Günü şənliklərinə də toxunaraq bildirib ki, xarici ölkə liderləri bu tədbirlərdə iştirak etmək istəklərini özləri ifadə ediblər. O, həmçinin bayrama görə əldə olunan atəşkəs razılaşmasının kifayət qədər mürəkkəb danışıqlar nəticəsində mümkün olduğunu vurğulayıb.
Uşakovun sözlərinə görə, rəsmi Vaşinqton hazırda daha çox Yaxın Şərqdəki böhranla məşğul olsa da, Ukrayna məsələsini diqqətdən kənarda qoymur. Bu çərçivədə Moskva və Vaşinqton arasında aktiv telefon əlaqələrinin davam etdiyi bildirilib.
Münaqişənin həlli yolları barədə danışan Uşakov deyib:
"Ukrayna öz qoşunlarını Donbasdan çıxarmasa, onlarla raund danışıqlar aparıla bilər, lakin bunların hamısı mənasız olacaq. Bunu hər kəs başa düşür, o cümlədən Kiyevdə də bunu çox yaxşı anlayırlar. Lakin hələ ki, avropalıların dəstəyi ilə ağlabatan addım atmaqdan imtina edirlər. Hətta bu addımın müzakirəsinə başlamağı belə rədd edirlər".
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ