Onlayn ictimai-siyasi qəzet
Trampdan SON DƏQİQƏ! “İranı TƏRK EDİN” dedi, HÜCUM ƏMRİ VERİLİR, peyk görüntüləri ORTADA
Almaniyanın "Bild" qəzeti Tramp İrana qarşı hücuma hazırlaşdığını yazıb və buna sübut kimi peyk şəkillərini dərc edib.
Teleqraf xəbər verir ki, məqalədə ABŞ-nin regionda hərbi mövcudluğunu gücləndirdiyi, onlarla təyyarə və hərbi gəmilərini artıq İran ətrafındakı bazalarda yerləşdirdiyi qeyd olunur.
"Formal olaraq bu, İranla danışıqlardan əvvəl güc nümayişi ola bilər, praktikada isə Donald Trampın İran hökumətinin mövqelərini sarsıda biləcək bir sıra variantlar hazırladığı görünür" - məqalədə qeyd olunur.
"Washington Post" qəzetinin məlumatına görə, İordaniyadakı Hava Bazası İrana qarşı mümkün hərbi hücuma hazırlıqda əsas rol oynayır. Orada peyk görüntülərində ağır döyüş əməliyyatları üçün nəzərdə tutulmuş ən azı on iki F-15 qırıcı təyyarəsi görünür.
Həmçinin, yaxın məsafədən yerüstü hədəfləri vura bilən A-10C ("Warthog") hücum təyyarələri də müşahidə edilib. Bundan əlavə, görüntülərdə ən azı bir "MQ-9 Reaper" pilotsuz uçuş aparatı, eləcə də bir neçə çoxməqsədli helikopter var.
Xüsusilə diqqət çəkən məqam iki HC-130J Combat King təyyarəsinin İordaniyaya yerləşdirilməsidir. Bu təyyarələr döyüş zonalarında axtarış və xilasetmə əməliyyatları üçün nəzərdə tutulub.
Bu arada, dənizdə də təzyiq artır: "USS Abraham Lincoln" təyyarədaşıyan gəmisi bir neçə idarə olunan raket esminesi ilə birlikdə bölgəyə daxil olub və hazırda Ərəbistan dənizinin şimalındadır. Gəmidə müasir qırıcı təyyarələr və fotoşəkillərə əsasən, düşmən radarlarını və rabitə sistemlərini sıradan çıxara bilən "EA-18G Growlers" var.
"USS McFaul" və "USS Mitscher" kimi esmineslər də Hörmüz boğazında müşahidə olunub; digər gəmilər Qırmızı dənizdə və şərqi Aralıq dənizində fəaliyyət göstərir.
Beləliklə, Vaşinqtonun siyasi siqnalı Tehranı danışıqlar masasına qaytarmaqdır. İndi dünya Omanda aparılacaq ABŞ-İran danışıqlarını səbrsizliklə gözləyir.
ABŞ Dövlət Departamenti ABŞ vətəndaşlarına İrandan dərhal çıxmağı tövsiyə edib və bunun üçün Ermənistan və ya Türkiyə üzərindən çıxış imkanlarını nəzərdən keçirməyi məsləhət görüb.
Teleqraf xəbər verir ki, ABŞ-nin xarici siyasət qurumu cümə axşamı yaydığı bildirişdə aviareyslərin qəfil dayandırılması ehtimalına diqqət çəkərək, amerikalılara “dərhal İranı tərk etməyi” bir daha xatırladıb. Sənəddə qeyd olunur ki, reyslərin ləğvi və ya gecikməsi əvvəlcədən xəbərdarlıq edilmədən baş verə bilər və aviaşirkətlər İrana uçuşları məhdudlaşdırmaqda və ya tamamilə dayandırmaqda davam edir.
Bildirişdə, həmçinin, ABŞ vətəndaşlarına internetdə əlavə fasilələrin ola biləcəyinə hazır olmaları, alternativ rabitə vasitələrindən istifadə etməyə hazırlaşmaları və təhlükəsiz olduğu təqdirdə İranı Ermənistan və ya Türkiyə üzərindən tərk etməyi nəzərdən keçirmələri tövsiyə olunur.
Qeyd edək ki, ABŞ və İranın Tehranın nüvə proqramı ilə bağlı danışıqları cümə günü Omanda keçirməsi gözlənilir. İran nümayəndə heyətinə xarici işlər naziri Abbas Əraqçi, ABŞ nümayəndə heyətinə isə prezidentin xüsusi nümayəndəsi Stiven Uitkoff rəhbərlik edəcək.
ABŞ Prezidenti Donald Tramp yanvarın 26-da “nəhəng armada”nın İran istiqamətində hərəkət etdiyini bəyan etmiş, Tehranın danışıqlar masasına əyləşəcəyinə və nüvə silahından tam imtinanı nəzərdə tutan “ədalətli və bərabərhüquqlu” razılaşmaya razı olacağına ümid etdiyini bildirmişdi.
Gündəmdəki bir çox xəbərləri aparıcı Sevinc Telmanqızının təqdimatındakı “Canlı debat” verilişində müzakirə edəcəyik. Qonağımız hərbi ekspert Üzeyir Cəfərovdur. Müzakirədə tamaşaçılarımız da iştirak edə bilər.
XƏBƏR LENTİ
05 Iyun 2026
ŞƏRHLƏRŞƏRH YAZ