Onlayn ictimai-siyasi qəzet
Ukrayna Rusiyanı buna da vadar etdi: Nuh əyyamından qalma yanacaqlar idxal olunacaq
Rusiya hökuməti 1 iyul 2027-ci ilə qədər avtomobil benzini və dizel yanacağının buraxılışı və dövriyyəsi üçün müvəqqəti qaydaları müəyyən edən qətnamə qəbul edib.
Musavat.com Rusiya Energetika Nazirliyinin məlumatına istinadən xəbər verir ki, sənəd K2, K3 və K4 ekoloji siniflərinə, həmçinin Avro 2, Avro 3 və Avro 4 kimi tanınan avtomobil benzininin istehsalına, idxalına, buraxılışına və dövriyyəsinə icazə verir: "Yanacaqdoldurma məntəqələrində bu cür yanacağın ekoloji sinfi haqqında məlumat göstəriləcək. Məlumat əlçatan olacaq və aydın şəkildə təqdim olunacaq. Bu, vətəndaşlara müəyyən ekoloji sinifə (Avro 2, Avro 3, Avro 4, Avro 5) aid yanacaq alarkən məlumatlı seçim etməyə imkan verəcək".
Nazirlik qeyd edir ki, "qətnamə həmçinin 2026-cı ilin sonuna qədər yüksək kükürd tərkibli K5 benzininin dövriyyəsinə icazə verən əvvəllər qəbul edilmiş qərarı ləğv edir".
Energetika Nazirliyi qərarın müvəqqəti olduğunu və daxili bazara sabit mühərrik yanacağı tədarükünün təmin edilməsinə və dəyişən təchizat zəncirləri, texnoloji məhdudiyyətlər və yanacaq bazarının rahat işləməsi zərurəti qarşısında potensial çatışmazlıqların qarşısının alınmasına yönəldiyini vurğulayır: "Bu, motor yanacaqları üçün ekoloji tələblərə dair uzunmüddətli hökumət siyasətinin yenidən nəzərdən keçirilməsini nəzərdə tutmur. Müəyyən edilmiş güzəştlər yalnız məhdud müddət üçün qüvvədədir və yanacaq keyfiyyəti tələblərini istehlakçılar üçün onun əlçatanlığını təmin etmək ehtiyacı ilə balanslaşdırmağa kömək edən böhran əleyhinə tədbirdir. Bu qərar əlavə həcmdə motor benzininin daxili bazara yönəldilməsinə, sabit yanacaq tədarükünün qorunmasına və yanacaq tədarükünün pozulması riskini minimuma endirməsinə imkan verəcək".
Musavat.com
XƏBƏR LENTİ
22 Avqust 2026
ŞƏRHLƏRŞƏRH YAZ