Onlayn ictimai-siyasi qəzet
ABŞ-da Sorosun təşkilatlarının maliyyə fəaliyyəti yoxlanacaq – Nazirlik xüsusi plan hazırlayıb
Tramp administrasiyası amerikalı milyarder Corc Soros tərəfindən təsis edilən xeyriyyə fondları, təşkilatları və proqramları şəbəkəsi olan Açıq Cəmiyyət Fondu da daxil olmaqla bir neçə solçu qeyri-kommersiya təşkilatında genişmiqyaslı vergi yoxlaması planlaşdırır.
Musavat.com xəbər verir ki, məlumatı The New York Post mənbələrə istinadən yayıb.
Mənbələrə görə, ABŞ Maliyyə Nazirliyi hərtərəfli audit planı hazırlayır və bu, təşkilatların vergi güzəştlərindən məhrum edilməsi ilə nəticələnə bilər. Nəşr yazır ki, bundan əlavə, auditlər əhəmiyyətli cərimələrlə nəticələnə bilər. Soros Fondundan əlavə, Amerika-İslam Münasibətləri Şurası (CAIR) və Cənubi Yoxsulluq Hüquq Mərkəzi də auditlərlə üzləşəcək.
Bir mənbə qəzetə bildirib ki, ABŞ Maliyyə Nazirliyi bu məsələdə qərarlıdır və geri çəkilmək planı yoxdur. Adı çəkilməyən bir mənbənin New York Post qəzetinə verdiyi məlumata görə, bu təşkilatların və onların donorlarının çoxu üçün "günlər sayılıdır".
Xatırladaq ki, Corc Soros Demokratlar Partiyasının əsas donorlarından biridir. 2026-cı ilin avqust ayında ABŞ prezidenti Donald Tramp Soros və oğlunun ölkə daxilində etirazlar zamanı iğtişaşları dəstəklədiklərinə görə məsuliyyətə cəlb olunmalarını. ABŞ prezidenti həmçinin Sorosun ABŞ-da radikal solçu təşkilatların maliyyələşdirilməsində iştirakını istisna etməyib və ona qarşı RICO Qanunu çərçivəsində tədbirlər görülməsini tələb edib. RICO Qanunu (Reket Təsirli və Korrupsiyalaşmış Təşkilatlar) 20 ilə qədər həbs və maliyyə sanksiyaları da daxil olmaqla cəzalar nəzərdə tutur.
Musavat.com
XƏBƏR LENTİ
01 Sentyabr 2026
ŞƏRHLƏRŞƏRH YAZ