Onlayn ictimai-siyasi qəzet
ABŞ yaxın gələcəkdə İrana zərbə endirməyi planlaşdırmır – Rubio nazirləri əmin edir
Amerika Birləşmiş Ştatları yaxın gələcəkdə İrana qarşı yeni zərbələr endirməyi planlaşdırmır və Tehrana təzyiq göstərməyin digər vasitələrinə, o cümlədən sanksiyalara diqqət yetirəcək.
Musavat.com Axios-a istinadən xəbər verir ki, ABŞ dövlət katibi Marko Rubio bu barədə bir neçə ölkənin xarici işlər nazirlərini məlumatlandırıb.
Portalın məlumatına görə, Rubio "ABŞ-ın genişmiqyaslı hərbi əməliyyatları bərpa etməyi planlaşdırmadığını açıq şəkildə bildirib, lakin İran əvvəl hücum edərsə, zərbələr endirilməsini istisna etməyib".
Portalın mənbələri bildiriblər ki, ABŞ sanksiyalar və dəniz blokadası vasitəsilə İrana iqtisadi təzyiqi artırmağa, eləcə də "Hörmüz boğazından mümkün qədər çox neft nəql etməyə" diqqət yetirməyi gözləyir.
Axios-un mənbələrindən birinin məlumatına görə, ABŞ administrasiyası bu yanaşmanı ən azı 3 noyabrda keçiriləcək aralıq konqres seçkilərinə qədər saxlamaq niyyətindədir. Portalın istinad etdiyi ABŞ administrasiyasının rəsmisinə görə, ABŞ Tehranla danışıqlar aparmır, lakin "təzyiqin İranı danışıqlar masasına qaytarmağa kömək edə biləcəyinə" inanır.
Musavat.com
ƏLAQƏLİ XƏBƏRLƏR
XƏBƏR LENTİ
26 Avqust 2026
ŞƏRHLƏRŞƏRH YAZ