Onlayn ictimai-siyasi qəzet
Dünyanın ən gənc kralı müəmmalı şəkildə öldü: 3 yaşında hakimiyyətə gəlib
Uqandanın tərkibindəki dörd vilayətdən biri olan Toronun kralı Dördüncü Oyo Nyimba Kabamba İguru Rukidi 34 yaşında vəfat edib.
Bu barədə Toronun baş naziri Kelvin Armstronq Ruomire Akiiki məlumat verib.
Dördüncü Rukidi 1995-ci ildə taxta çıxarkən dünyanın ən gənc hakimiyyətdə olan monarxı olmuşdu. Həmin vaxt onun cəmi üç yaşı var idi. O, atasının ölümündən sonra taxt-tacı miras almışdı.
Ölümün səbəbi açıqlanmayıb. Yalnız məlumdur ki, kral bundan bir müddət əvvəl ABŞ-da müalicə alırdı.
Dördüncü Rukidi evli olmayıb, lakin ondan sonra taxta çıxacaq varisi qalıb.
Toro Uqandanın ənənəvi krallıqlarından biridir. Respublika seçilmiş prezident tərəfindən idarə olunur, ölkədə monarxiyalar əsasən simvolik xarakter daşısa da, mədəni və sosial təsirlərini qoruyub saxlayırlar.//Lent.az
XƏBƏR LENTİ
29 Avqust 2026
28 Avqust 2026
ŞƏRHLƏRŞƏRH YAZ