Onlayn ictimai-siyasi qəzet
Gəncədə zəncirvari qəza: 4 nəfər xəsarət aldı
Gəncədə zəncirvari yol-nəqliyyat hadisəsi baş verib. Qəza nəticəsində avtobus dayanacağında olan şəxs də daxil olmaqla, 4 nəfər xəsarət alıb.
Musavat.com xəbər verir ki, hadisə şəhərin Ş.İ.Xətai prospektində qeydə alınıb.
Hərəkətdə olan “Opel” və “Chevrolet Trax” markalı minik avtomobilləri yolayrıcında toqquşub. Zərbənin təsirindən idarəetmədən çıxan “Opel” avtobus dayanacağına çırpılaraq orada dayanan kişini vurub. Daha sonra avtomobil yol kənarında dayanmış “Chevrolet Cruze” markalı maşına çırpılıb.
İlkin məlumata görə, qəza nəticəsində “Opel”in sürücüsü, 1969-cu il təvəllüdlü Nicat Əsgərov, 1992-ci il təvəllüdlü Ramin İbrahimov, 1977-ci il təvəllüdlü Samirə Bağırova və 1944-cü il təvəllüdlü Dilbər Əsgərova müxtəlif bədən xəsarətləri alıblar. Onlar xəstəxanaya yerləşdiriliblər.
S.Bağırova və D.Əsgərova “Opel” markalı avtomobildə olublar. R.İbrahimov isə qəza zamanı avtobus dayanacağında dayanarkən xəsarət alıb.
Faktla bağlı araşdırma başlanılıb.
Şahanə Rəhimli
Musavat.com
XƏBƏR LENTİ
13 Oktyabr 2026
ŞƏRHLƏRŞƏRH YAZ