Onlayn ictimai-siyasi qəzet
Iphone 18 almaq istəyənlərin NƏZƏRİNƏ - Ən böyük dəyişiklik olacaq
Apple uzun illərdir davam etdirdiyi iPhone təqdimat strategiyasında ilk dəfə ciddi dəyişiklik etməyə hazırlaşır.
Musavat.com xəbər verir ki, iddialara görə, şirkət bu ilin payızında keçiriləcək təqdimatda standart iPhone 18 modelini təqdim etməyəcək. Bunun əvəzində yalnız yüksək seqmentə aid modellərin satışa çıxarılması planlaşdırılır. Apple isə bununla bağlı hələlik rəsmi açıqlama verməyib.
Sənaye mənbələrinin məlumatına görə, Apple yeni strategiya çərçivəsində iPhone modellərinin təqdimatını iki mərhələyə böləcək. Bu ilin sentyabr ayında iPhone 18 Pro, iPhone 18 Pro Max və şirkətin ilk qatlana bilən iPhone modelinin təqdim ediləcəyi gözlənilir.
Standart iPhone 18, daha sərfəli model və digər bəzi versiyaların isə 2027-ci ilin yaz aylarında satışa çıxarılacağı bildirilir.
Analitiklərin fikrincə, Apple bu addımla yeni məhsul təqdimatlarını ilin müxtəlif dövrlərinə yayaraq satış tempini daha sabit saxlamağı hədəfləyir. Şirkətin eyni zamanda qatlana bilən iPhone modelinin bazara çıxarılmasına hazırlaşdığı üçün təqdimat cədvəlini yenidən qurduğu da iddia olunur.
Hazırda bu məlumatlar yalnız sənaye mənbələri və analitiklərin proqnozlarına əsaslanır. Apple şirkəti iPhone 18 seriyasının təqdimat qrafiki ilə bağlı rəsmi mövqeyini açıqlamayıb.
Əgər bu plan təsdiqlənərsə, bu, Apple-ın uzun illərdir tətbiq etdiyi ənənəvi illik iPhone təqdimat modelində ən böyük dəyişikliklərdən biri olacaq.
Musavat.com
XƏBƏR LENTİ
27 Avqust 2026
26 Avqust 2026
ŞƏRHLƏRŞƏRH YAZ