Onlayn ictimai-siyasi qəzet
"İran onlara görə müharibəni uzatmağa çalışır" – Tramp
İran Demokratların hakimiyyətə qayıtması ümidi ilə ABŞ-la münaqişəni uzatmağa çalışır, çünki onlar Tehranın nüvə silahı əldə etməsinə faktiki olaraq icazə verəcəklər.
Musavat.com xəbər verir ki, bu iddianı ABŞ prezidenti Donald Tramp Fox News-a verdiyi müsahibədə irəli sürüb:
"Onlar məndən yaxa qurtarmaq üçün əllərindən gələni etməyə çalışırlar, çünki düşünürlər ki, Demokratlar onlara nüvə silahı əldə etməyə faktiki olaraq icazə verəcəklər. Onların nüvə silahı olmayacaq".
Ağ Ev rəhbəri həmçinin əvvəlki fəaliyyəti olmasaydı, Tehranın artıq nüvə silahına malik olacağını deyib. O, İranın nüvə proqramı üzrə Birgə Hərtərəfli Fəaliyyət Planından (BHFP) çıxmaq qərarını təkrarlayıb: "Mən indiyə qədər gördüyüm ən pis razılaşmanı, Obamanın nüvə razılaşmasını ləğv etdim. Necə də dəhşətli bir razılaşmadır. Bu, nüvə silahına aparan yol idi".
ABŞ prezidenti İrana qarşı hərbi əməliyyata başlamaq qərarından peşman olmadığını bildirib. "Xeyr", o, peşman olub-olmadığı soruşulduqda cavab verib: "Mən 'peşmançılıq' sözünə inanmıram. Əgər bunu yenidən etməli olsaydım, mən yenə də eyni şeyi edərdim".
Tramp İrana qarşı ABŞ Konqresinin noyabr ayında keçiriləcək ara seçkiləri səbəbindən tam gücü ilə müharibə aparmadığını iddia edib: "Bəlkə də mən bunu seçkilərə görə etmirəm. Bilirsən? Hər şeyin indiki kimi qalmasını istəyirəm..."
Musavat.com
XƏBƏR LENTİ
11 Sentyabr 2026
ŞƏRHLƏRŞƏRH YAZ