Onlayn ictimai-siyasi qəzet
“Meta”nı çökdürürlər – Trilyonluq iddialar, köklü dəyişikliklər tələbi
ABŞ-nin 29 ştatından ibarət ikipartiyalı qrup Meta-ya qarşı iddia qaldırıb.
Musavat.com xarici mediaya istinadla xəbər verir ki, 2023-cü ildə başlaması gözlənilən iddialarda iddiaçılar on milyardlarla dollar məbləğində potensial cərimələr və “Meta”nın iş tərzində dəyişikliklər tələb edirlər.
Bildiilir ki, dörd aparıcı ştatın (Kaliforniya, Kolorado, Kentukki və Nyu-Cersi) nümayəndələri “Meta”nı "gənc istifadəçiləri cəlb etmək üçün Facebook və İnstaqramı qəsdən dizayn etməkdə, onların narahatlıq, depressiya və hətta intihar riskini artırmaqda" ittiham edirlər. İttihamlara həmçinin "istehlakçıları platformaların təhlükəsizliyi ilə bağlı yanlış təsəvvür etmək" də daxildir. 29 ştatın hamısının rəsmiləri “Meta” şirkətini "uşaqların şəxsi məlumatlarını düzgün toplamamaqla və istifadə etməklə federal qanunları pozmaqda" ittiham edirlər.
İlkin dinləmələr 18 avqustda Kaliforniyanın Oklend şəhərindəki federal məhkəmədə başlayıb.
Əsas iddiaçılar “Meta” şirkətinin Facebook və İnstaqramda fundamental dəyişikliklər etməsini tələb edirlər. O cümlədən:
- bəyənmə sayının göstərilməsinin silinməsi;
- yeni paylaşımlara baxmağı təşviq edən sonsuz sürüşdürmə funksiyasının silinməsi;
- gənc istifadəçilər üçün vaxt məhdudiyyətlərinin müəyyən edilməsi;
- 13 yaşdan kiçik uşaqların şəbəkəyə daxil olmamasını təmin etmək üçün məhdudiyyətlərin tələb edilməsi.
Kaliforniya baş prokurorunun müavini Meqan O'Neill səkkiz nəfərlik münsiflər heyətinə “Meta”nın biznes modelini izah etməyə çalışıb. Onun sözlərinə görə, “Meta” "istifadəçiləri cəlb etmək, onları mümkün qədər uzun müddət saxlamaq, məlumatlarını toplamaq və sonra həqiqəti ictimaiyyətdən gizlətmək"dən ibarət bir sistem üzərində işləyirdi.
“Meta” şirkətinin nümayəndəsi gənc istifadəçilərin sayına da toxunaraq onların sayının "100.000-dən bir qədər çox" olduğunu söyləyib. Vəkil həmçinin “Meta”nın məhsullarının asılılıq yaratmadığını deyib.
Kaliforniyalı bir vəkil “Meta”nın platformalarının yeniyetmələrin zehni sağlamlığına zərər verdiyini bildiyini söyləyib və “Meta”nın şəbəkələrindən nə qədər yeniyetmənin faydalandığını görməzliyə vurmamağı xahiş edib.
Proses barədə yazam media qurumları bildirirlər ki, münsiflər heyətinin məsləhət qərarı verəcəyi gözlənilir. Lakin “Meta”nın məsuliyyəti ilə bağlı son qərarı hakim İvon Qonsales Rocers verəcək. Əgər o, “Meta”nı günahkar hesab edərsə, cərimələr tətbiq edə və Facebook və Instagram-a ciddi dəyişikliklər etməyi əmr edə bilər.
“Meta” bildirir ki, cərimələr 1,4 trilyon dollara çata bilər. Bu, “Silikon vadisi” şirkətinin ümumi bazar dəyərinə yaxındır. Ötən həftə keçirilən dinləmədə baş prokurorlar məbləğin 200 milyard dollara yaxın olacağını, “Meta”nın təxminən üç illik xalis mənfəətini tutacağını bildiriblər.
Məhkəmənin daha altı həftə davam edəcəyi gözlənilir, Zukerberq və Instagram-ın baş direktoru Adam Mosserinin də ifadə verəcəyi gözlənilir. Çərşənbə axşamı keçirilən dinləmədən sonra “Meta”nın səhmləri ucuzlaşıb və iş saatlarından sonrakı ticarətdə 4,4 faiz düşüb.
Musavat.com
XƏBƏR LENTİ
20 Avqust 2026
ŞƏRHLƏRŞƏRH YAZ