Onlayn ictimai-siyasi qəzet
Pentaqon Patriot üçün raket sifarişini 11 dəfə artırdı
Pentaqon "Lockheed Martin" şirkəti ilə "Patriot" hava hücumundan müdafiə sistemi üçün sursat istehsalı və təchizatı üzrə müqaviləni 58,6 milyard dollara qədər artırıb.
Musavat.com xəbər verir ki, məlumat ABŞ ordusunun 29 iyul tarixli açıqlamasında yer alıb.
Sənəddə qeyd olunur ki, ABŞ ordusu aprel ayında "Lockheed Martin" şirkətinə PAC-3 MSE yer-hava raketləri üçün 4,7 milyard dollarlıq sifariş verib. Bu bir illik müqavilə artıq yenidən nəzərdən keçirilib. Onun dəyəri 53,9 milyard dollar artırılaraq 58,6 milyard dollara çatdırılıb və tamamlanma müddəti yeddi ilə qədər uzadılıb.
Bir neçə ABŞ media orqanı bunun öz növündə ən böyük müqavilə olduğunu qeyd edib. Müqavilənin yenidən dəyişdirilməsi mümkündür.
Bəyanatda qeyd olunur ki, bu sifariş "Lockheed Martin" şirkətinə bu tip sursat üçün istehsal gücünü genişləndirməyə imkan verir. Şirkətin 2030-cu ilin sonuna qədər PAC-3 MSE istehsalını üçqat artıracağı gözlənilir.
Musavat.com
XƏBƏR LENTİ
04 Avqust 2026
ŞƏRHLƏRŞƏRH YAZ