Onlayn ictimai-siyasi qəzet
Rusiyada Azərbaycan dili öyrəniləcək
Rusiyada Azərbaycan dilinin öyrənilməsinə ehtiyac olduğu barədə diqqətçəkən açıqlama verilib.
Musavat.com Report-a istinadən xəbər verir ki, bu fikri Rusiyanın baş nazirinin müavini Aleksey Overçuk Bakıda keçirilən Azərbaycan-Rusiya Biznes Şurasının iclasında səsləndirib.
Overçuk bildirib ki, Rusiyada da Azərbaycan dilinin öyrənilməsinə ehtiyac var və bu istiqamətdə dəstək göstəriləcək. O qeyd edib ki, Azərbaycanda rus dilinə xüsusi diqqət ayrılır, məktəblərdə bu dil tədris olunur və universitetlər arasında əlaqələrin gücləndirilməsinə maraq var.
Rusiya rəsmisinin sözlərinə görə, Sankt-Peterburq Dövlət Universiteti ilə əməkdaşlıq çərçivəsində yeni Rusiya-Azərbaycan universitetinin yaradılması məsələsi də müzakirə edilib.
O əlavə edib ki, tərəflər rus dilinin yayılması sahəsində əməkdaşlıq məsələlərinə də toxunublar. Bununla yanaşı, Azərbaycan Respublikasına Beynəlxalq Rus Dili Təşkilatına qoşulmağı nəzərdən keçirmək təklifi də verilib.
XƏBƏR LENTİ
08 Iyun 2026
07 Iyun 2026
ŞƏRHLƏRŞƏRH YAZ