İnsanlara hürriyət, millətlərə istiqlal!

SSRİ-nin kosmosa göndərdiyi əfsanəvi itlər – biri qurban oldu, ikisi... - VİDEO

İnsanın kosmosa uçuşundan əvvəl SSRİ bir sıra təhlükəli təcrübələri itlər üzərində həyata keçirib.

Musavat.com xəbər verir ki, Layka, Belka və Strelkanın uçuşları kosmik tədqiqatlar tarixinin ən yaddaqalan səhifələrindən birinə çevrilib.

1957-ci il noyabrın 3-də Layka “Sputnik-2” kosmik aparatı ilə orbitə göndərilib. Küçədən götürülmüş Layka Yer orbitinə çıxan ilk heyvan olub. Lakin aparatın Yerə qaytarılması nəzərdə tutulmadığından onun sağ qayıtması mümkün deyildi. Layka orbitə çatdıqdan bir neçə saat sonra həyatını itirib.

Təxminən üç il sonra – 1960-cı il avqustun 19-da Belka və Strelka “Sputnik-5”lə kosmosa göndərilib. Onlarla birlikdə 40 siçan, iki siçovul, bitkilər və digər bioloji nümunələr də uçuşda iştirak edib. Belka və Strelka Yer orbitinə çıxaraq sağ-salamat geri qayıdıblar və bununla tarixə düşüblər.

Uçuşdan sonra Strelka altı bala dünyaya gətirib. Onlardan Puşinka adlı bala SSRİ rəhbəri Nikita Xruşşov tərəfindən ABŞ prezidenti Con Kennedinin ailəsinə hədiyyə edilib.

Laykanın faciəli missiyası, ardınca Belka və Strelkanın uğurla Yerə qaytarılması canlı orqanizmlərin orbit şəraitində davranışı barədə mühüm məlumatlar əldə etməyə imkan verib və insanın kosmosa uçuşuna hazırlığın əsas mərhələlərindən olub. Belka və Strelkanın tarixi uçuşundan səkkiz aya yaxın sonra – 1961-ci il aprelin 12-də Yuri Qaqarin “Vostok-1”lə kosmosa uçub.

Musavat.com


ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

22.08.2026 78

Berlindən Rusiyaya qarşı 12 milyard avroluq həmlə: Almaniya uzaqmənzilli raket cəbbəxanası yaradır
22.08.2026 128

Yaponiya Çindən qopur: Tokio ABŞ-la birlikdə Pekinə qarşı yeni plan qurur
22.08.2026 221

Dakkadan strateji həmlə: Banqladeş Türkiyə, Pakistan və Səudiyyə ilə eyni hərbi blokda?

XƏBƏR LENTİ

22 Avqust 2026

BÜTÜN XƏBƏRLƏR