Onlayn ictimai-siyasi qəzet
Stalinqrada qədər gəlib çıxan almanlar – indi silaha sarılmaq istəmir
Almaniyada keçirilən yeni ictimai rəy sorğusu ölkədə müdafiə və təhlükəsizlik məsələləri ilə bağlı diqqətçəkən nəticələri ortaya qoyub.
Musavat.com xəbər verir ki, respondentlərin cəmi 17 faizi Almaniya ordusunun – Bundesverin mümkün müharibə vəziyyətində ölkəni qoruya biləcəyinə inandığını bildirib.
Sorğu iştirakçılarının 72 faizi isə Bundesverin başqa bir dövlətin hücumunu adekvat şəkildə dəf edə biləcəyinə əmin olmadığını deyib.
Məlumata görə, Almaniyada Rusiyanın mümkün hücumu ilə bağlı qorxu son bir ildə nəzərəçarpacaq dərəcədə azalıb. Hazırda respondentlərin 38 faizi belə təhlükədən narahat olduğunu bildirib. Halbuki 2025-ci ilin payızında bu göstərici daha yüksək idi.
Bununla yanaşı, respondentlərin üçdə ikisi kiberhücumlar, sabotaj və dezinformasiya təhlükəsini ciddi risk hesab edir.
2025-ci ilin avqustunda keçirilən başqa bir sorğunun nəticələrinə görə isə Almaniya vətəndaşlarının 59 faizi ölkəni müdafiə etmək üçün silaha sarılmağa hazır olmadığını bildirib. Həmin vaxt yalnız 16 faiz respondent Almaniyanı qorumaq üçün döyüşməyə qəti hazır olduğunu qeyd edib.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ