Onlayn ictimai-siyasi qəzet
Xarici çıxışları qadağan edilə bilər
Türkiyədə narkotiklə bağlı aparılan istintaq çərçivəsində saxlanılan 23 şübhəli məhkəməyə göndərilib.
Musavat.com Türkiyə mətbuatına istinadən xəbər verir ki, İstanbul Cumhuriyyət Baş Prokurorluğunun apardığı istintaq çərçivəsində prokurorluq 10 nəfərin həbsini tələb edib.
Bununla yanaşı, məşhur müğənni Kenan Doğulu, aktrisa Beren Saat, müğənnilər Berdan Mardini və Ozan Doğulu daxil olmaqla 11 nəfər barəsində xaricə çıxış qadağası tətbiq olunması istənilib.
Prokurorluğun müraciət etdiyi digər tanınmış simalar arasında Kerimcan Durmaz, Enis Arıkan, Selin Ciğerci, Yaşar İpek və Ayşe Hatun Önal də yer alıb.
Şübhəlilərdən Ali Efe Bezci haqqında isə ev dustaqlığına bərabər olan,- "yaşadığı ünvanı tərk etməmək",- şəklində nəzarət tədbiri tələb olunub.
İstintaq çərçivəsində Tolga Çam, Ferhan Kaya, Murat Saygı, Enis Ahmet Onat, Emre Tari, Hasan Vatan, Reyhan Küçükyeğen, Mehmet Yıldız, Tessy Ramos Correira və Rafet Eren Yorulmazer barəsində həbs qətimkan tədbirinin seçilməsi üçün məhkəməyə müraciət edilib.
Hazırda gözlər məhkəmənin verəcəyi qərardadır. Hakimin həbs və digər məhdudlaşdırıcı tədbirlərlə bağlı qərarının istintaqın sonrakı gedişinə təsir göstərəcəyi bildirilir.
Könül
Musavat.com
ƏLAQƏLİ XƏBƏRLƏR
XƏBƏR LENTİ
12 Iyun 2026
ŞƏRHLƏRŞƏRH YAZ