Onlayn ictimai-siyasi qəzet
ABŞ onları qara siyahıya saldı
ABŞ Kubanın Rusiya və Çinlə əməkdaşlığını genişləndirən şəxslərə və hərbi şirkətlərə qarşı sanksiya tətbiq edib.
Musavat.com Xarici Aktivlərə Nəzarət İdarəsi (OFAC) diplomatları və yüksək vəzifəli hərbi liderləri qara siyahıya salıb.
Xüsusilə sanksiyalar Kubanın Çindəki hərbi attaşesi Valdo Perez Kortes və Rusiyadakı hərbi attaşesi Monika Milian Qomezi hədəf alıb.
Yenilənmiş sanksiyalar siyahısına həmçinin aşağıdakılar daxildir:
Oskar Enrike Bioska Qalleqo – General, Kuba Silahlı Qüvvələrinin İqtisadi İdarəsinin rəisi;
Roberto Xesus Viçiana Musset, müdafiə şirkəti Union de Industria Militar (UIM)-ın baş direktoru;
Roberto Leqra Sotolonqo, Silahlı Qüvvələrin Baş Qərargah rəisinin müavini.
ABŞ Dövlət Departamentinin məlumatına görə, onların əksəriyyəti Çin və Rusiyadan silah və hərbi texnika daşınmasını təşkil etmək cəhdlərinə görə məsuliyyət daşıyırlar.
Rəsmi şəxslərlə yanaşı, ABŞ Maliyyə Nazirliyi hərbi sektorda fəaliyyət göstərən beş Kuba dövlət müəssisəsinə və ticarət şirkətinə sanksiyalar tətbiq etdi: Tecnotex; Technoimport; Yuri Qaqarin Hərbi Sənaye Müəssisəsi (texniki xidmət və təmir şirkəti); Duna SA; Union de Industria Militar (UIM).
ABŞ Dövlət Katibi Marko Rubio qərarın ABŞ-ın milli təhlükəsizliyini qorumaq və Kubanın xarici tərəfdaşlarla hərbi əməkdaşlığına son qoymaq üçün verildiyini bildirib: "Tətbiq edilən sanksiyalar Havananın hərbi əməkdaşlığını və Kuba rejiminə silah tədarükünü asanlaşdıran təşkilatları və şəxsləri hədəf almaqla milli təhlükəsizliyimizi qorumaq üçün nəzərdə tutulub".
Musavat.com
XƏBƏR LENTİ
07 Avqust 2026
ŞƏRHLƏRŞƏRH YAZ