Onlayn ictimai-siyasi qəzet
Britaniyada şok referendum – Daha bir kənd ölkədən ayrılır, bu səbəbə görə
İngiltərədə miqrantların keçmiş hərbi bazalarda yerləşdirilməsi planı gözlənilməz etiraz formasına səbəb olub.
Musavat.com xəbər verir ki, Suffolk qraflığındakı Barnham kəndinin sakinləri Böyük Britaniyadan simvolik olaraq ayrılmaq üçün referendum keçirməyi müzakirə edirlər.
“The Times”ın məlumatına görə, buna səbəb hökumətin Barnham yaxınlığındakı keçmiş RAF hərbi bazasını sığınacaq axtaran şəxslərin yerləşdirilməsi üçün istifadə etməyi nəzərdən keçirməsidir.
Barnham Parish Council-in sədri Con Bauer bildirib ki, kənd nümayəndələri Oksfordşirdəki Piddington kəndinə gedərək orada keçirilmiş oxşar referendumun təcrübəsini öyrənəcəklər. Onun sözlərinə görə, danışdığı yerli sakinlər arasında hökumətin planını dəstəkləyən demək olar ki, yoxdur.
Məsələni daha da diqqətçəkən edən rəqəmlərdir. Yerli hakimiyyətə təqdim olunan ilkin məlumatlara əsasən, keçmiş RAF Barnham bazasında maksimum 1250 nəfərin yerləşdirilməsi nəzərdə tutula bilər. Bu rəqəm Barnham kəndinin əhalisindən təxminən iki dəfə çoxdur. Burada əsasən 18–65 yaşlı subay kişilərin yerləşdirilməsi planlaşdırılır.
Britaniya hökuməti isə yekun qərarın hələ verilmədiyini bildirir. Obyektin hazırda uyğunluq baxımından qiymətləndirildiyi qeyd olunur. Layihə təsdiqlənərsə, keçmiş hərbi baza sığınacaq axtaranların yerləşdirilməsi üçün ən azı 10 il istifadə edilə bilər.
Yerli sakinlər kəndin belə sayda insanı qəbul etmək üçün lazımi infrastruktura malik olmadığını bildirirlər. Barnhamda mağaza və pub yoxdur, ictimai nəqliyyat və digər xidmətlər də məhduddur. West Suffolk Council də RAF Barnhamın bu məqsəd üçün uyğun olmadığı mövqeyini açıqlayıb.
Barnham bu cür referendum ideyasını gündəmə gətirən ilk yaşayış məntəqəsi deyil. Oksfordşirdəki Piddinqton kəndində 15 sentyabr 2026-cı ildə Böyük Britaniyadan simvolik ayrılmaq üçün referendum keçirilib. Səsvermədə 312 nəfər iştirak edib. Onlardan 285-i ölkədən ayrılmağa “hə”, 26-sı isə “yox” deyib, 1 bülleten etibarsız sayılıb. Seçici fəallığı təxminən 92 faiz təşkil edib. Beləliklə, səsvermədə iştirak edənlərin 90 faizdən çoxu ayrılmanı dəstəkləyib. Nəticələrin elanından sonra kənddə simvolik olaraq “Piddinqton Knyazlığı” lövhəsi də quraşdırılıb.
Piddingtondakı referendumun keçirilməsinə də yaxınlıqdakı keçmiş hərbi ərazidə 1256 kişi sığınacaq axtaran şəxsin yerləşdirilməsi planı səbəb olub. Piddingtonun özündə isə təxminən 350 nəfər yaşayır.
Musavat.com
XƏBƏR LENTİ
13 Oktyabr 2026
00:33 Böyük Britaniyadan İrana qarşı SANKSİYA ZƏRBƏSİ: Baş nazir SEPAH-ın partlayış planını açıqladı
12 Oktyabr 2026
ŞƏRHLƏRŞƏRH YAZ