Onlayn ictimai-siyasi qəzet
Ağ Evin Superintellekt idarəsi 4 aya hesabat hazırlayacaq
Ağ Evdə süni intellekt (Sİ) üzrə yeni işçi qrupu dörd ay ərzində bu texnologiyanın riskləri və imkanları barədə hesabat hazırlayacaq və federal hökumətin bu sahədəki məsuliyyətlərini müəyyən edəcək.
Musavat.com "The Wall Street Journal" (WSJ) qəzetinə istinadən xəbər verir ki, məlumatı prezident Donald Trampın əvvəllər yaradılmasını elan etdiyi Superintellekt Qüvvələrinə rəhbərlik edəcək Milli Kəşfiyyat direktoru Cey Kleyton açıqlayıb: "Prezident superintellektdə lider olaraq qalmağımızı və Amerika vətəndaşlarının maraqlarının hər şeydən üstün olmasını təmin edəcək bir qrupun yaradılmasına göstəriş verib".
Ağ Evdəki mənbəyə görə, bu, faktiki olaraq Kleytonun ölkədə süni intellektin inkişafına cavabdeh olacağı deməkdir. Qeyd olunur ki, işçi qrupu potensial risklərin idarə olunması üçün əsas məsuliyyətin süni intellekt sənayesinin özündə olduğuna əsaslanacaq: "Digər sənaye sahələrində olduğu kimi, dialoqun mexanizmlər hazırlamasını gözləyirəm".
Kleyton əlavə edib ki, onun işçi qrupu qanunvericiliyi nəzərdən keçirəcək və ABŞ Konqresinin qəbul edə biləcəyi tədbirləri müzakirə edəcək.
The Wall Street Journal qəzetinin məlumatına görə, nizamnaməsinə əsasən, yeni işçi qrupu "innovasiya və rəqabətə mane olacaq həddindən artıq tənzimləmənin qarşısını alarkən cəmiyyət üçün süni intellektlə bağlı təhdidləri aradan qaldırmaq üçün planlar da hazırlayacaq".
Sentyabrın sonlarında Tramp "Axios" qəzetinə verdiyi müsahibədə Kleytonu administrasiyasında süni intellekt inkişafına rəhbərlik etmək üçün ixtisaslı "yaxşı insan" adlandırıb. O, əlavə edib ki, yaxın üç-dörd gün ərzində namizəd seçəcək.
Musavat.com
XƏBƏR LENTİ
15 Oktyabr 2026
14 Oktyabr 2026
ŞƏRHLƏRŞƏRH YAZ