Onlayn ictimai-siyasi qəzet
Bütün Rusiyanı mat edən qərar - Dvorkoviçin xanımı azərbaycanlıdırmı?
Beynəlxalq Şahmat Federasiyası (FIDE) Rusiya Şahmat Federasiyasına (RCF) təşkilatdakı üzvlüyünün ən azı növbəti Baş Assambleyaya qədər dayandırılması barədə məlumat verib.
Musavat.com bildirir ki, bu barədə təşkilatın veb saytında dərc olunmuş mətbuat açıqlamasında bildirilib.
Bu dayandırılmanın səbəbi İdman Arbitraj Məhkəməsinin (CAS) 11 mart 2026-cı il tarixli qərarına əməl edilməməsidir. Həmin vaxt məhkəmə Rusiyaya Donetsk, Luqansk, Zaporojye və Xerson vilayətlərində, eləcə də Krımda bütün fəaliyyətləri 90 gün ərzində dayandırmağı və FİDE-yə müvafiq olaraq məlumat verməyi tapşırıb.
Təşkilat bu məhkəmə tələblərinin müəyyən edilmiş müddət ərzində yerinə yetirilmədiyini bildirib.
FIDE xüsusilə vurğulayıb ki, qərar fərdi şahmatçılara deyil, milli federasiyaya aiddir. FİDE Şurası həmçinin Rusiya vətəndaşlarından ibarət komandaların neytral bayraq altında komanda yarışlarına buraxıla biləcəyini təsdiqləyib.
Yada salaq ki, 2018-ci ildən bəri Beynəlxalq Şahmat Federasiyasına Rusiyanın keçmiş baş nazirinin müavini Arkadi Dvorkoviç rəhbərlik edir. İyunun 5-də FCF (Dvorkoviç həm də onun qəyyumlar şurasının üzvüdür) onu FİDE prezidenti vəzifəsinə yeni müddətə potensial namizəd kimi seçdi. Seçkilər sentyabr ayında Səmərqənddə keçiriləcək Baş Assambleyanın iclasında keçiriləcək.
Ukrayna fəal şəkildə Dvorkoviçin istefasını və ona qarşı sanksiyaların tətbiq olunmasını tələb edir. Baxmayaraq ki, Dvorkoviçin Amerikanın "Mother Jones" jurnalına verdiyi müsahibə Rusiya ilə Ukrayna arasındakı münaqişədən narahatlığını ifadə etmişdi və bu, qızğın müzakirələrə səbəb olmuşdu.
Yeri gəlmişkən, Dvorkoviçin xanımının-Zümrüd Rüstəmovanın azərbaycanlı olması barədə xəbərlər var. Rusiya mediası yazır ki, Rüstəmova ailəsinin etnik mənsubiyyəti ilə bağlı bir neçə nəzəriyyə mövcuddur. Zümrüd ləzgi, azərbaycanlı mənşəli kimi təsvir edilir və onun tat və dağ yəhudi kökləri ilə bağlı da iddialar sırasındadır.
Z.Rüstəmova 1992-1995-ci illərdə atasının mehmanxana sahəsində fəaliyyət göstərən “Zümrüd” firmasına rəhbərlik edib. O, 1995-ci ildə Rusiya Əmlak Məsələlərinin İdarəedilməsi Dövlət Komitəsində işə başlayıb və üç il sonra artıq departament rəhbəri vəzifəsinədək yüksəlib. 1999-2000-ci illərdə Rusiya Federal Əmlak Fondu sədrinin müavini, 2000-2004-cü illərdə isə əmlak məsələləri üzrə nazir müavini olub. Dvorkoviçlə tanışlığı da məhz bu illərə təsadüf edir. Özünün dediyinə görə, o vaxt iqtisadi inkişaf naziri German Qrefin müavini olan Dvorkoviçlə elə nazirin kabinetində tanış olublar. 2000-ci ilin avqust ayının 11-də cütlük ailə həyatı qurub.
Z.Rüstəmova 2 oğul anasıdır. Maraqlıdır ki, Azərbaycan kökənli hesab olunan bu xanım uşaqlarına rus çarlarının - Vladimir və Pavel adlarını verib. Rusiyanın siyasi elitası hesab edirlər ki, ərinin hətta siyasi qərarlarını belə xanımı verir və ailədə əsas idarəçi odur. Z.Rüstəmova müsahibələrinin birində deyib ki, xörək bişirə bilmir və bu işi sevmir. Rüstəmova “Polymetal”da işləməyə davam edir və siyasətçi və iş qadınının həyat yoldaşı kimi hələ də aktual mövzu olaraq qalır.
Musavat.com
XƏBƏR LENTİ
12 Iyun 2026
11 Iyun 2026
ŞƏRHLƏRŞƏRH YAZ