Onlayn ictimai-siyasi qəzet
Dünya bu görüntülərdən danışır – Meyitlərlə bağlı ürəkdağlayan FAKT - VİDEO
Nepalda baş verən sel fəlakətində ölənlərin sayı 626-ya çatıb, ən azı 2 426 nəfərin taleyindən isə hələ də xəbər yoxdur. İtkinlər arasında 517 xarici vətəndaşın olduğu qeyd edilib.
Musavat.com xəbər verir ki, səlahiyyətlilər çay sahillərindən çıxarılan meyitlərin əhəmiyyətli hissəsinin ciddi şəkildə parçalanması səbəbindən onların tanınmasının mümkün olmadığını bildiriblər.
İndiyədək bölgədə tapılan 233 meyitdən yalnız 4-nün şəxsiyyəti müəyyənləşdirilib.
Bildirilir ki, fəlakət zamanı bölgədə çox sayda xarici turist də olub.
Çin dövlət mediasının məlumatına görə, Tibet Muxtar Bölgəsində ölənlərin sayı 7-yə yüksəlib, 554 nəfərdən isə hələ də xəbər yoxdur.
Axtarış-xilasetmə işlərini çətinləşdirən əlavə təhlükə də davam edir. Çin dövlət mediası ilk fəlakətdən sonra dağıntıların suyun qarşısını kəsməsi nəticəsində yaranan göldə suyun səviyyəsinin yenidən yüksəldiyini bildirib.
Səlahiyyətlilər bölgədə yeni palçıq axınları və torpaq sürüşmələrinin baş verə biləcəyi barədə xəbərdarlıq ediblər.
Birləşmiş Millətlər Təşkilatı bölgədə on minlərlə ailənin təcili olaraq ərzaq və içməli suya ehtiyac duyduğunu bildirib.
Musavat.com
XƏBƏR LENTİ
29 Avqust 2026
ŞƏRHLƏRŞƏRH YAZ