Onlayn ictimai-siyasi qəzet
Dünyada sadəcə 39 ədəd var - Görün neçəyə satıldı
Dünyada cəmi 39 nüsxəsi olduğu bildirilən 1998-ci il istehsalı Pikachu Illustrator Pokémon kartı ABŞ-da keçirilən hərracda 3,7 milyon funt sterlinqə satılıb.
Musavat.com xarici mediaya istinadən xəbər verir ki, kartın yüksək qiymətinin əsas səbəblərindən biri onun məhdud sayda istehsal edilməsi və adi mağazalarda satışa çıxarılmamasıdır.
Pikachu Illustrator kartı 1998-ci ildə CoroCoro Comics tərəfindən keçirilən illüstrasiya müsabiqəsinin qaliblərinə təqdim edilib. Müsabiqənin ilk üç qalibinə xüsusi olaraq verilən kartdan dünya üzrə cəmi 39 ədəd istehsal edildiyi bildirilir.
Kartı digər Pokémon kartlarından fərqləndirən detallardan biri sağ alt hissəsindəki qələm simvolu, digər xüsusiyyəti isə üzərində “Illustrator” yazısının olmasıdır.
Hərracda satılan Pikachu Illustrator kartı kolleksiya məhsullarının vəziyyətini və orijinallığını qiymətləndirən Professional Sports Authenticator (PSA) tərəfindən 9 balla qiymətləndirilib.
Məlumata görə, bu kartın PSA 9 dərəcəsinə sahib 14 nümunəsi mövcuddur. Satılan nüsxə isə yüksək keyfiyyətinə görə MBA Gold Diamond mükafatına da layiq görülüb.
Pikachu Illustrator kartının PSA tərəfindən ən yüksək qiymət olan 10 balla qiymətləndirilən yeganə məlum nümunəsi isə daha əvvəl məşhur YouTuber Logan Paul tərəfindən 12,3 milyon funt sterlinqə satılıb.
Pokémon Trading Card Game bu il 30 illiyini qeyd edir. Yeni illüstrasiyalar və klassik kartların yer aldığı 30th Celebration genişlənmə paketinin təqdimatı ilə kolleksiya bazarında da aktivliyin artdığı bildirilir.
Xüsusilə ilk illərdə buraxılmış və məhdud sayda olan Pokémon kartları dünya üzrə kolleksiyaçıların diqqətini cəlb edir və nadir nümunələr hərraclarda milyonlarla ölçülən qiymətlərə satılır.
Musavat.com
XƏBƏR LENTİ
22 Sentyabr 2026
ŞƏRHLƏRŞƏRH YAZ