Onlayn ictimai-siyasi qəzet
Epşteynlə dost olan Norveç şahzadəsi ağır xəstədir
Norveç şahzadəsi İnqrid Aleksandra Avstraliyada təhsilini yarımçıq qoyub və vəliəhd şahzadə olan anası Mette-Maritin vəziyyəti sürətlə pisləşdiyinə görə vətəninə qayıdıb.
Musavat.com xəbər verir ki, bu barədə “New York Post” qəzeti məlumat yayıb.
21 yaşlı şahzadə Avstraliyada internat məktəbində oxuyurdu, lakin həkimlər onun 52 yaşlı anasına ağciyər fibrozunun ciddi ağırlaşması diaqnozunu etdikdən dərhal sonra təhsilini yarımçıq qoyub. Vəliəhd şahzadə Mette-Marit uzun illərdir ki, ağciyər toxumasının çapıqlanmasına və qanı oksigenlə zənginləşdirmək qabiliyyətini itirməsinə səbəb olan xroniki xəstəliklə mübarizə aparır. 2018-ci ildə ona bu diaqnoz qoyulub, lakin vəliəhd şahzadənin vəziyyəti bu yaxınlarda kəskin şəkildə pisləşib və o, təcili olaraq xəstəxanaya yerləşdirilib.
Atası vəliəhd şahzadə Hakondan sonra taxt-taca namizədlikdə ikinci yerdə olan İnqrid Aleksandranın atası ilə danışdıqdan sonra geri qayıtmaq qərarına gəldiyi təsdiqlənib. Onun Avstraliyada planlaşdırılan təhsil kursu qeyri-müəyyən müddətə dayandırılıb. Hazırda İnqrid xəstəxanada anası ilə birlikdə qalır. Kral sarayı hələlik xəstə şahzadənin hazırkı vəziyyətinin təfərrüatlarını açıqlamayıb.
Şahzadənin vəziyyətinin pisləşməsi xəbəri onun ətrafındakı ictimai qalmaqallar fonunda ortaya çıxıb. Mette-Maritin oğlu, 29 yaşlı Marius Borq Heybi təcavüz və ölüm təhdidləri də daxil olmaqla 32 cinayətdə ittiham olunur. Məhkəmə prosesi mart ayında başa çatıb və Heybi həbsxanada hökm gözləyir.
Bundan əlavə, şahzadə Mette Maritin adı Epsteyn sənədlərində ortaya çıxıb. Martın sonlarında o, ilk dəfə amerikalı maliyyəçi və pedofil ilə əlaqələri barədə açıq danışıb. Mediaya verdiyi 20 dəqiqəlik müsahibədə Mette-Marit Epsteynlə 2011-ci ildə tanış olduğunu etiraf edib. Onun sözlərinə görə, o, tanışlarından birinin yaxın dostu olub. Şahzadə iddia edib ki, Epşteynin cinayətlərindən xəbərsiz olub və aldadılıb.
Musavat.com
XƏBƏR LENTİ
05 Iyun 2026
ŞƏRHLƏRŞƏRH YAZ