Onlayn ictimai-siyasi qəzet
Ərdoğanın varisləri açıqlandı - Onlardan ən şanslısı hansıdır?
Son vaxtlarda Türkiyə siyasətində uzun illərdir hakimiyyətdə olan (2003-14-cü illərdə baş nazir və 2014-cü ildən bu günə qədər prezident) cümhurbaşqanı Rəcəb Tayyib Ərdoğanın gələcəkdə siyasi varislərinin kim olacağı barədə bir sıra məlumatlara rast gəlməkdəyik. Doğrudur, hələ ki, konkret ad təsdiqlənməyib. Amma bəzi şəxslərin adları hallanmamış deyil.
“Ərdoğanın varisləri” təkcə ölkə daxilində deyil, bütün dünya üçün maraq doğurur.
Türkiyə prezidenti Rəcəb Tayyib Ərdoğanın varisi oğlu Bilal, kürəkəni Səlcuq Bayraqdar, xarici işlər naziri Hakan Fidan və ya keçmiş daxili işlər naziri Süleyman Soylu ola bilər.
Bu barədə Britaniyanın “Ekonomist” jurnalı məlumat yayıb.
Məlumat üçün bildirək ki, Ərdoğanın 71 yaşı var. Türkiyədə prezident seçkiləri 2028-ci ildə keçirilməlidir. Amma ehtimal olunur ki, qardaş ölkə tezliklə növbədənkənar seçkilərə getsin.
Siyasi analitik Asif Nərimanlı Musavat.com-da mövcud durumda ən şanslı namizədin adını açıqlayıb:
“Fikrimcə, post-Ərdoğan Türkiyəsinə rəhbərlik edə biləcək əsas namizəd Hakan Fidandır. Əslində Fidanın karyerasına baxdıqda onun gələcək lider kimi hazırlandığı təəssüratı yaradır. Digər tərəfdən, regional gücə çevrilən və qlobal proseslərdə təsir imkanları güclənən Türkiyəyə güclü prezidentlik institutunun saxlanıldığı sistem lazımdır. Prezident üsul-idarəsinə keçid də Türkiyənin aktiv xarici siyasətindən qaynaqlanırdı. Ərdoğanın bu prosesi uğurla həyata keçirib, xüsusilə Qərbdən asılılığın azaldılması, müstəqil xarici siyasətin həyata keçirilməsi və Türkiyənin regional müstəvidə önə çıxması bunu deməyə əsas verir.
Ərdoğandan sonra da bu prosesi davam etdirəcək güclü fiqur lazımdır. Hakan Fidan digərləri ilə müqayisədə daha güclü fiqur kimi görünür. Onun uzun illər kəşfiyyata rəhbərlik etməsi, hazırda isə xarici siyasəti idarə etməsi Türkiyənin gələcək lideri kimi formalaşmasında rol oynayıb”.
Cavanşir ABBASLI
Musavat.com
XƏBƏR LENTİ
09 Iyun 2026
01:51 Paşinyanın böyük qələbəsi, yoxsa gizli məğlubiyyəti? – Ermənistan seçkilərinin bütün şifrələri
08 Iyun 2026
ŞƏRHLƏRŞƏRH YAZ