Onlayn ictimai-siyasi qəzet
Erməni mediasına və blogerlərə ətək-ətək ABŞ pulları – Tramp gələn kimi...
ABŞ-nin Ermənistanda media layihələrinə ayırdığı vəsaitin həcmi açıqlanıb.
Musavat.com xəbər verir ki, 2023–2025-ci illərdə “Media Program in Armenia” proqramı çərçivəsində təxminən 7,5 milyon dollar xərcləndiyi bildirilir.
Proqramın ilkin ümumi büdcəsi 15 milyon dollar olub və onun 2028-ci ilədək davam etdirilməsi nəzərdə tutulub. Layihə USAID tərəfindən maliyyələşdirilib, vəsaitlər “Internews” və onun tərəfdaşları vasitəsilə Ermənistanın media sektoruna yönəldilib.
2024-cü ilin dekabrına olan məlumata görə, proqram çərçivəsində 59 Ermənistan KİV-i dəstək alıb, 338 media nümayəndəsi müxtəlif istiqamətlər üzrə təlimlərə cəlb olunub.
Jurnalistlər, blogerlər və digər media nümayəndələri proqramın dəstəyi ilə 805 material hazırlayıblar.
Lakin layihə nəzərdə tutulan 2028-ci ilə qədər davam etməyib. Donald Trampın hakimiyyətə qayıtmasından sonra ABŞ-nin xarici yardım proqramlarının genişmiqyaslı təftişinə başlanılıb. USAID-in fəaliyyətinin yenidən nəzərdən keçirilməsi fonunda Ermənistandakı media proqramının maliyyələşdirilməsi də dayandırılıb.
Musavat.com
XƏBƏR LENTİ
15 Oktyabr 2026
14 Oktyabr 2026
ŞƏRHLƏRŞƏRH YAZ