Onlayn ictimai-siyasi qəzet
Gecə yarısı Krımda DƏHŞƏTLİ PARTLAYIŞLAR
Gecə saatlarında Ukrayna Silahlı Qüvvələrinə məxsus uzaqmənzilli raketlər və reaktiv zərbə dronları Krım yarımadasında Rusiya ordusunun mühüm loqistika mərkəzlərindən birini hədəf alıb.
Musavat.com xəbər verir ki, Ukrayna hərbi monitorinq resurslarının yaydığı rəsmi məlumata görə, gecə saat 02:05 ilə 02:14 radələrində Krımın Lenino (Yedi-Kuyu) qəsəbəsi istiqamətində ard-arda üç güclü və dəhşətli partlayış səsi eşidilib.
Hücumun hədəfi Rusiya işğalçı qüvvələrinin yarımadada yanacaq təchizatını təmin edən strateji Semikolodezyanskaya neft bazası olub. Şahidlərin bildirdiyinə görə, zərbələrdən dərhal sonra neft bazasının yerləşdiyi rayonda göyə ucalan nəhəng alov və güclü yanğın qeydə alınıb.
Hadisənin miqyası beynəlxalq peyklər tərəfindən də rəsmən təsdiqlənib. Belə ki, NASA-nın "Firms" yanğın monitorinq sisteminin qeydə aldığı istilik siqnallarının sahəsi Semikolodezyanskaya neft bazasındakı yanğının getdikcə daha da gücləndiyini və geniş ərazini ağuşuna aldığını nümayiş etdirir. Hazırda obyektə dəyən ümumi ziyanın miqyası və hərbi texnikaya dəyən itkilər araşdırılır.
Musavat.com
XƏBƏR LENTİ
07 Iyun 2026
ŞƏRHLƏRŞƏRH YAZ