İnsanlara hürriyət, millətlərə istiqlal!

İranın səfiri İrəvanı hədələdi: məğlub olan tərəf Ermənistan olacaq

İranın İrəvandakı səfiri Xəlil Şirqulami Ermənistanın İrana qarşı düşmən mövqedə olan qüvvələrin fəaliyyət mərkəzinə çevrildiyi barədə ciddi narahatlıq ifadə edib.

Musavat.com-un məlumatına görə Şirqulami bildirib ki, İranın təhlükəsizliyinə qarşı fəaliyyət göstərən və ya İrana qarşı düşmən münasibət sərgiləyən qüvvələr, İrəvan vasitəsilə öz hərəkətlərini həyata keçirməyə çalışır və bu, Tehran üçün ciddi bir təhlükə yaradır.

İran səfiri xüsusən İrandakı etiraz aksiyalarının Ermənistandakı fəaliyyətlərlə əlaqədar ola biləcəyini vurğulayaraq, bu etirazların uğurlu olarsa, Ermənistanın da məğlub olacaq tərəf olacağına diqqət çəkib. Şirqulami İrandakı daxili məsələlərin yalnız İran xalqının məsələsi olmadığını, regional təhlükəsizlik və sabitlik üçün də böyük əhəmiyyət daşıdığını bildirib.

Səfir həmçinin, İrəvanda İran səfirliyinin qarşısında toplaşan və təhqiramiz şüarlar səsləndirən vətəndaşlardan narahat olduğunu ifadə edib. Bu cür aksiyaların İran xalqının yaddaşında dərin izlər buraxacağını və İranla Ermənistan arasındakı dostluq əlaqələrini zədələyə biləcəyini qeyd edib. Xəlil Şirqulami, Ermənistanın çətin dövrlərdə İranın dəstəyini unutmamalı olduğunu vurğulayaraq, İranın hər zaman Ermənistanın yanında olduğunu xatırladıb.


Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

12.06.2026 277

Paşinyandan "Zəngəzur əməliyyatı"– Gecəylə sildirdi
12.06.2026 225

145 illik tikinti başa çatdı: Dünyanın ən hündür xristian məbədi açıldı
12.06.2026 218

“Gelandewagen” cəbhəyə çıxır: Mercedes dron ovçusu hazırlayır

XƏBƏR LENTİ

12 Iyun 2026

11 Iyun 2026

BÜTÜN XƏBƏRLƏR