Onlayn ictimai-siyasi qəzet
İsrailli sərnişinə “körpə qatili” deyən şəxs HAVA LİMANINI BİR-BİRİNƏ QATDI - VİDEO
Filippinin paytaxtı Maniladakı Ninoy Aquino Beynəlxalq Hava Limanı (NAIA) iki xarici sərnişinin iştirakı ilə baş verən dava ilə gündəmə gəlib.
Musavat.com xəbər verir ki, Filippin mətbuatının məlumatına görə, 54 yaşlı amerikalı sərnişinlə 37 yaşlı israilli sərnişin arasında səyahət zamanı başlayan mübahisə qısa müddətdə fiziki qarşıdurmaya çevrilib.
İddiaya görə, amerikalı sərnişin israilli sərnişinə “körpə qatili” deyə müraciət edib və Adolf Hitlerə istinad edən ağır ifadələr işlədib. Bu sözlərdən sonra iki sərnişin arasında mübahisə başlayıb.
Mübahisənin böyüməsindən sonra tərəflərin bir-birinə fiziki müdaxilə etdiyi və hadisənin yumruq davasına çevrildiyi bildirilib.
Hava limanının təhlükəsizlik əməkdaşları qısa müddətdə hadisəyə müdaxilə edərək iki sərnişini bir-birindən ayırıblar.
Hər iki sərnişinin saxlanıldığı və hadisə ilə bağlı araşdırmaya başlanıldığı bildirilib.
Hadisə anını əks etdirən görüntülər isə qısa müddət ərzində sosial şəbəkələrdə yayılaraq gündəm olub.
Musavat.com
XƏBƏR LENTİ
29 Avqust 2026
ŞƏRHLƏRŞƏRH YAZ