Onlayn ictimai-siyasi qəzet
Korrupsiya reytinqi – Azərbaycan müsbət bal toplayanların arasındadır
2025-ci il üçün tərtib olunan Korrupsiya Qavrayışı İndeksinə görə, il ərzində yalnız beş postsovet ölkəsi ballarını yaxşılaşdıra bilib.
Musavat.com xarici mediaya istinadla xəbər verir ki, bunlar aşağıdakı ölkələrdir: Qırğızıstan (26 xal, il ərzində +1 xal), Azərbaycan (30, +8), Ukrayna (36, +1), Latviya (60, +1) və Litva (65, +2).
Digər postsovet ölkələrin müvafiq göstəriciləri belədir: Belarus (31, -2), Özbəkistan (31, -1), Qazaxıstan (38, -2), Moldova (43, -1), Ermənistan (46, -1) və Gürcüstan (50, -3).
Rusiyadan başqa, Türkmənistanın (17), Tacikistanın (19) və Estoniyanın (76) reytinqləri il ərzində dəyişməz qalıb.
2025-ci il Korrupsiya Qavrayışı İndeksi, Dünya Bankı, Dünya İqtisadi Forumu, özəl konsaltinq firmaları və digər agentliklər də daxil olmaqla 13 müstəqil mənbədən əldə edilən məlumatlara əsasən 182 ölkə və ərazidə dövlət sektorunda korrupsiyanın qavranılan səviyyəsini ölçür. Hər bir ölkəyə 0-dan 100-ə qədər bal verilir, burada 0 çox yüksək, 100 isə çox aşağı qavranılan korrupsiyanı təmsil edir.
Şərqi Avropa və Mərkəzi Asiya regionu 100 baldan yalnız 34 bal toplayıb (2024-cü ildə 35 bal). Regiondakı 19 ölkədən yalnız yeddisində inkişaf müşahidə olunub ki, bu da indeks müəlliflərinin fikrincə, son on ildə durğun islahatları və zəif institutları göstərir. Onlar qeyd edirlər ki, bu ölkələrdə zəif institutlar və demokratik geriləmə korrupsiyaya və vətəndaş məkanının daralmasına səbəb olur.
Əvvəlki reytinqdə olduğu kimi, regionda ən yaxşı nəticələrə Gürcüstan (50 bal), Ermənistan (46) və Monteneqro (46) nail olublar. Lakin, müəlliflər xəbərdarlıq edirlər ki, hakim partiyanın repressiv siyasəti nəticəsində Gürcüstanda demokratiyanın aşınması ölkədə korrupsiya risklərini artırır.
Rusiya (22), Tacikistan (19) və Türkmənistan (17) regionda ən aşağı ballara malikdirlər.
Ölkələrin böyük əksəriyyəti korrupsiya ilə mübarizədə uğursuzluğa düçar olur: 182 ölkədən 122-sinin 50-dən aşağı bal topladığı bildirilir. Eyni zamanda, son 10 ildə 80-dən yuxarı bal toplayan ölkələrin sayı 12-dən 5-ə düşüb.
Hesabat müəllifləri qeyd edirlər ki, "Korrupsiya qlobal miqyasda pisləşir və liderlər arasında siyasi iradənin zəifləməsi fonunda hətta mövcud demokratiyalarda da artır".
Bu tendensiya ABŞ (64), Kanada (75) və Yeni Zelandiya (81) kimi ölkələrə, eləcə də Birləşmiş Krallıq (70), Fransa (66) və İsveç (80) daxil olmaqla müxtəlif Avropa ölkələrinə təsir göstərib.
Danimarka 2025-ci il reytinqində ardıcıl səkkizinci ildir ki, 100 baldan 89 bal toplayaraq birinci yeri tutur. İlk beşliyi Finlandiya, Sinqapur, Yeni Zelandiya və Norveç tamamlayır.
İndeksin son pillələrini 9-10 arasında bal toplayan Venesuela, Somali və Cənubi Sudan tutur.
Musavat.com
XƏBƏR LENTİ
07 Iyun 2026
06 Iyun 2026
ŞƏRHLƏRŞƏRH YAZ